தூத்துக்குடி மாவட்டம், கச்சேரி தளவாய்புரத்தைச் சேர்ந்தவர் சண்முகையா. இவர், தூத்துக்குடி தென்பாகம் காவல் நிலைய எல்லைக்குட்பட்ட பகுதியில் 38 ஆண்டுகளுக்கு முன்பு கடந்த 1985-ம் ஆண்டு ஆதாயத்திற்காக காளியப்பபிள்ளை என்பவரை கொலை செய்துள்ளார். இந்த கொலை வழக்கில் கடந்த 25.04.1990 அன்று தூத்துக்குடி கூடுதல் அமர்வு நீதிமன்றம், சண்முகையாவிற்கு ஆயுள் தண்டனை வழங்கித் தீர்ப்பளித்தது.
திருநெல்வேலி மாவட்டம், பாளையங்கோட்டை மத்திய சிறையில் தண்டனை அனுபவித்து வந்தார். இந்த நிலையில், சென்னை உயர்நீதிமன்றத்தில் மேல்முறையீடு செய்து கடந்த 24.07.1992 அன்று ஜாமீனில் வெளிவந்தார். பின் இவ்வழக்கை விசாரணை செய்த உயர் நீதிமன்றம் சண்முகையாவிற்கு வழங்கப்பட்ட ஆயுள் தண்டனையை உறுதி செய்ததன் அடிப்படையில் கடந்த 14.07.2000 அன்று மீண்டும் பாளையங்கோட்டை மத்திய சிறையிலடைக்கப்பட்டார். கடந்த 21 ஆண்டுகளாக சிறையிலிருந்த கைதி சண்முகையா, தனது தாயாருக்கு உடல்நிலை சரியில்லையெனக்கூறி கடந்த 15.01.2019 முதல் 20.01.2019 வரை ஆகிய 6 நாள்கள் பரோலில் வெளியே வந்தார்.
ஆனால், பரோல் முடிந்து மீண்டும் சிறை செல்லாமல் தலைமறைவாகிவிட்டார். இது குறித்து பாளையங்கோட்டை மத்திய சிறை அலுவலர் தர்மலிங்கம் என்பவர் 21.01.2019 அன்று கொடுத்த புகாரின் பேரில் ஓட்டப்பிடாரம் காவல் நிலைய போலீஸார் வழக்கு பதிவுசெய்து தலைமறைவான சண்முகையாவை தேடிவந்தனர். கடந்த 5 ஆண்டுகளாக தேடியும் சண்முகையாவைப் பற்றி எந்த தகவலும் கிடைக்கவில்லை.
இந்த நிலையில், சமீபத்தில் மாவட்ட காவல் கண்காணிப்பாளர் பாலாஜி சரவணன் ஓட்டப்பிடாரம் காவல் நிலைய ஆய்வாளர் முத்துராமன் தலைமையில் உதவி ஆய்வாளர் சுந்தரம் மற்றும் காவலர் விசு ஆகியோர் அடங்கிய தனிப்படை அமைத்து மேற்படி கைதி சண்முகையாவை கைதுசெய்ய உத்தரவிட்டார். அதனடிப்படையில் தனிப்படையினர் சண்முகையாவின் உறவினர்களிரம் விசாரணை நடத்தி அவர்கள் கொடுத்த தகவலின்படி தீவிரமாகத் தேடி வந்தனர். இந்த நிலையில், கோயமுத்தூரில் இருப்பதாக தகவல் கிடைத்துள்ளது. பின்னர் தனிப்படை போலீஸார் கோயமுத்தூர் சென்று சண்முகையாவை கைது செய்து நீதிமன்றத்தில் ஆஜர்படுத்தி பாளையங்கோட்டை சிறையில் அடைத்தனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/3PaAEiY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3PaAEiY