ஒன்பிளஸ் நிறுவனம் தனது முதல் மடிக்கக்கூடிய மொபைலை அடுத்த மாதம் அக்டோபர் 19 ஆம் தேதி அறிமுகப்படுத்தும் என வதந்திகள் பரவி வருகிறது. தொலைபேசியின் ரெண்டர்கள், விலை நிர்ணயம் மற்றும் விவரக்குறிப்புகள் சில காலமாக கசிந்து கொண்டிருந்த நிலையில், இப்போது கைபேசியின் ரியல் பீஸ் புகைப்படம் வெளியாகியுள்ளது. நடிகை அனுஷ்கா ஷர்மா, லீக்கான ஒன்பிளஸ் ஓபன் ரெண்டரைப் போலவே, பின்புறத்தில் வட்ட வடிவ கேமரா கட்அவுட்டுடன் மடிக்கக்கூடிய தொலைபேசியை வைத்திருப்பதை ரசிகர்கள் கண்டனர். இருப்பினும் இது ஒரு அரங்கேற்றப்பட்ட லீக் நியூஸ் ஆக இருக்க வாய்ப்புள்ளது.
இந்தியாவில் OnePlus ஓபன் விலை
ஒன்பிளஸ் ஓபன் இந்தியாவில் ரூ.1,10,000 முதல் ரூ.1,20,000 வரை விலை நிர்ணயம் செய்யப்பட்டுள்ளது. சாம்சங்கின் தற்போதைய கேலக்ஸி ஃபோல்ட் ஃபிளாக்ஷிப், அதாவது கேலக்ஸி இசட் ஃபோல்ட்5 இந்தியாவில் ரூ 1,54,999 இல் தொடங்குகிறது என்பதைக் கருத்தில் கொண்டு, இந்த போன் ஃபிளாக்ஷிப் சிப்செட் மற்றும் ஹார்டுவேரையும் வழங்குவதால், அதற்கு மலிவு விலையில் மாற்றாக இருக்கும்.
OnePlus ஓபன் விவரக்குறிப்புகள்
டிஸ்பிளே: OnePlus Open ஆனது 120Hz புதுப்பிப்பு வீதத்துடன் 7.8-இன்ச் AMOLED 2K டிஸ்ப்ளே இடம்பெறும் என எதிர்பார்க்கப்படுகிறது. கவர் டிஸ்ப்ளே 6.3-இன்ச் AMOLED பேனல் மற்றும் 120Hz புதுப்பிப்பு வீதமாக இருக்கும்.
செயலி: அட்ரினோ GPU உடன் இணைக்கப்பட்ட டாப்-ஆஃப்-லைன் குவால்காம் ஸ்னாப்டிராகன் 8 ஜெனரல் 2 சிப்செட் மூலம் கைபேசி இயக்கப்படும்.
ரேம் மற்றும் சேமிப்பு: OnePlus Open ஆனது 16GB RAM மற்றும் 256GB சேமிப்பகத்தை வழங்கும்.
OS: ஆண்ட்ராய்டு 13 OS உடன் OxygenOS 13.1 அவுட்-ஆஃப்-பாக்ஸ்.
கேமராக்கள்: கைபேசியின் பின்புறத்தில் 48MP முதன்மை சென்சார், 48MP செகண்டரி ஷூட்டர் மற்றும் 64MP லென்ஸுடன் டிரிபிள் கேமரா சென்சார்கள் இருக்கலாம். OnePlus Open ஆனது முன்பக்கத்தில் 32MP மற்றும் 20MP முன் கேமராக்களைக் கொண்டிருக்கலாம்.
பேட்டரி: 100W ஃபாஸ்ட் சார்ஜிங் ஆதரவுடன் 4,800mAh பேட்டரி.