ஒன் டூ ஒன் முதல் பார்வை வெளியீடு
இயக்குனர் சுந்தர். சி, படங்களை இயக்குவதைத் தாண்டி அவ்வப்போது ஹீரோவாகவும் படங்களில் நடித்து வருகிறார். தற்போது அவர் ஒன் டூ ஒன் என்ற படத்தில் நடித்து வருகிறார். அவருடன் வில்லனாக பிரபல பாலிவுட் இயக்குனர் அனுராக் காஷ்யப் நடிக்கிறார். இவர்களுடன் நீத்து சந்திரா, ராகினி திவேதி ஆகியோரும் நடிக்கின்றனர். கே.திருஞானம் இயக்குகிறார். சித்தார்த் விபின் இசையமைக்க, 24 ஹவர்ஸ் நிறுவனம் தயாரிக்கிறது. இந்த படத்தின் பர்ஸ்ட் லுக் எனப்படும் முதல் பார்வை போஸ்டரை வெளியிட்டுள்ளனர். போஸ்டரில் ரயில் இடம் பெற்றுள்ளது. இதை வைத்து பார்க்கையில் இந்த படம் ரயில் பின்னணியில் நடக்கும் ஆக் ஷன் கலந்த சஸ்பென்ஸ் திரில்லர் படமாக இருக்கும் என எதிர்பார்க்கப்படுகிறது.