நியூயார்க்கில் சைக்கிள் ரைடு சென்ற திரிஷா!
தற்போது விஜய்யுடன் லியோ படத்தில் நடித்திருக்கும் திரிஷா, அடுத்து அஜித்துடன் விடாமுயற்சியில் நடிக்கப் போகிறார். அதன் பிறகு லோகேஷ் கனகராஜ் இயக்கத்தில் ரஜினி நடிக்கும் படம், மணிரத்னம் இயக்கத்தில் கமல் நடிக்கும் படங்களிலும் நடிக்கிறார் திரிஷா. அதோடு தற்போது அவர் கதையின் நாயகியாக நடித்திருக்கும் ‛தி ரோடு' என்ற படம் அக்டோபர் 20ம் தேதி திரைக்கு வருகிறது.
இந்த நிலையில் தற்போது திரிஷா அமெரிக்காவுக்கு சுற்றுலா சென்றுள்ளார். அங்குள்ள நியூயார்க் நகரத்தில் உள்ள சாலைகளில் சைக்கிளில் அவர் ரைடு சென்றுள்ளார். அது குறித்த வீடியோ ஒன்றையும் இன்ஸ்டாகிராம் பக்கத்தில் பதிவிட்டுள்ளார் திரிஷா. இந்த வீடியோவை அவர் பதிவிட்ட இரண்டு மணி நேரத்தில் நான்கு லட்சத்திற்கும் அதிகமான லைக்குகளை பெற்று வைரலாகி வருகிறது.