திரைப்பட தயாரிப்பாளர் வி.ஏ.துரை காலமானார்
தமிழ் திரைப்பட தயாரிப்பாளர்கள் சங்கத்தின் மூத்த உறுப்பினரும், ஆயுட்கால உறுப்பினருமான, வி.ஏ.துரை(59) உடல் நலக்குறைவு காரணமாக காலமானார்.
பிதாமகன், கஜேந்திரா, லூட்டி, லவ்லி, விவரமான ஆளு, என்னம்மா கண்ணு உள்ளிட்ட பல வெற்றிப்படங்களை தயாரித்தவர் வி.ஏ.துரை. மனைவி, மகளை பிரிந்து வாழும் அவர் சென்னையில் உள்ள அவரது வீட்டில், தனியாக வசித்து வந்தார்.
நீரிழிவு நோயால் பாதிக்கப்பட்ட அவர், மருத்துவ செலவுக்கு பணமின்றி அவதிப்பட்டார். அவருக்கு நடிகர் பலரும் உதவி செய்தனர். இந்நிலையில், தொடர் சிகிச்சையில் இருந்த அவர், இன்று(அக்.,02) இரவு காலமானார். அவரது மறைவுக்கு திரைத்துறையினர் பலரும், இரங்கல் தெரிவித்து வருகின்றனர்.