புதிய படத்திற்காக குத்துச்சண்டை, தற்காப்பு கலை பயிற்சியில் பூஜா ஹெக்டே
மும்பை நடிகையான பூஜா ஹெக்டே, தமிழில் மிஷ்கின் இயக்கிய முகமூடி என்ற படத்தில் அறிமுகமானவர். அதன் பிறகு தமிழில் பட வாய்ப்புகள் இல்லாமல் தெலுங்கு, ஹிந்தி படங்களில் நடித்து வந்தார். அதோடு தெலுங்கில் முன்னணி நடிகையாகவும் இருந்தார். பின்னர் விஜய் நடித்த பீஸ்ட் படம் மூலம் மீண்டும் தமிழுக்கு வந்தவருக்கு தமிழில் அந்த இரண்டாவது படமும் எதிர்பார்த்து வெற்றியை கொடுக்காத நிலையில், தெலுங்கில் பிரபாஸ் உடன் நடித்த ராதே ஷ்யாம், சிரஞ்சீவியுடன் நடித்த ஆச்சார்யா போன்ற படங்களும் அடுத்தடுத்து அதிர்ச்சி தோல்வி அடைந்தது.
தற்போது ஹிந்தி சினிமாவில் கவனம் செலுத்தி வரும் பூஜா ஹெக்டே அடுத்தபடியாக ஹிந்தியில் ஒரு ஆக்சன் படத்தில் நடிக்கப் போகிறார். இதற்காக ஒரு பயிற்சியாளர் மூலம் குத்துச்சண்டை மற்றும் தற்காப்பு கலை பயிற்சிகளில் ஈடுபட்டு வருகிறார் பூஜா ஹெக்டே.