லைவ்: ஆசிய விளையாட்டு: இந்தியாவுக்கு வெண்கல பதக்கம்

மல்யுத்தம் ஆண்கள் ப்ரீ ஸ்டைல் 65 கிலோ எடைப்பிரிவில் இந்தியாவின் பஜ்ரங் புனியா பஹ்ரைன் வீரரை 4-0 என வீழ்த்தி அரையிறுதிக்கு முன்னேறினார்.

ஆசிய விளையாட்டு தொடரில் இன்று நடைபெற்ற ஆண்கள் கிரிக்கெட் அரை இறுதி போட்டியில் இந்திய அணி வங்காளதேச அணியை 9 விக்கெட் வித்தியாசத்தில் வீழ்த்தியது.

ஆசிய விளையாட்டு: இந்தியாவுக்கு வெண்கல பதக்கம்

ஆசிய விளையாட்டு போட்டி: வில்வித்தை போட்டியில் இந்திய பெண்கள் அணி வெண்கல பதக்கம் வென்றுள்ளது.  அங்கிதா பகத், பஜன் கவுர், சிம்ரஞ்சித் கவுர் ஆகியோர் அடங்கிய இந்திய அணி,வியட்நாம் அணியை வீழ்த்தி வெண்கலம் வென்றது.

மல்யுத்தம் பெண்கள் ப்ரீ ஸ்டைல் 62 கிலோ எடைப்பிரிவில் இந்தியாவின் சோனம் மாலிக் காலிறுதிக்கு முன்னேறினார்.

ஆசிய விளையாட்டு: கிரிக்கெட் அரையிறுதி போட்டியில் இந்தியாவும் வங்காளதேச அணிகளும் மோதுகின்றன. இப்போட்டியில் வங்காளதேச அணி நிர்ணயிக்கப்பட்ட 20 ஓவர்கள் முடிவில் 9 விக்கெட் இழப்புக்கு 96 ரன்கள் எடுத்துள்ளது. இதன் மூலம் இந்திய அணிக்கு 97 ரன்கள் வெற்றி இலக்காக நிர்ணயிக்கப்பட்டுள்ளது.

கபடி போட்டி

ஆசிய விளையாட்டு தொடரில் இன்று நடைபெற்ற பெண்களுக்கான கபடி அரையிறுதி போட்டியில் இந்தியாவும் நேபாள அணிகளும் மோதின. இதில் இந்திய அணி 61-17 என்ற புள்ளிகள் கணக்கில் நேபாளத்தை வீழ்த்தி இறுதிப்போட்டிக்கு முன்னேறியுள்ளது. இதன் மூலம் இந்திய அணிக்கு குறைந்தபட்சம் வெள்ளி பதக்கமாவது கிடைப்பது உறுதியாகியுள்ளது.

 வங்காளதேச அணி திணறல்

இந்தியாவுக்கு எதிரான ஆட்டத்தில் வங்காளதேச அணி 8 ஓவர்கள் முடிவில் 3 விக்கெட் இழப்புக்கு 34 ரன்களுடன் தடுமாறி வருகிறது. இந்திய அணி கட்டுக்கோப்பாக பந்து வீசி வருவதால் ரன்களை குவிக்க முடியாமல் வங்காளதேச பேட்ஸ்மேன்கள் திணறி வருகின்றனர்.

வில்வித்தை போட்டியில் இந்திய அணி ஜப்பானை 6-2 என்ற புள்ளிகள் கணக்கில் வீழ்த்தியது. நான்காவது மற்றும் கடைசி செட்டை 56-51 என்ற கணக்கில் வென்றதன் மூலம் இந்தியா 4-வது இடம் பிடித்தது. இதனால், இந்திய அணி அரையிறுதிக்கும் முன்னேறியுள்ளது.

ஆசிய விளையாட்டு: முதலாவது அரையிறுதி போட்டியில் இந்தியா, வங்காளதேசம் அணிகள் மோதுகின்றன. டாஸ் வென்ற இந்தியா பந்துவீச்சை தேர்வு செய்துள்ளது.