விடாமுயற்சியில் இரட்டை வேடங்களில் நடிக்கும் அஜித்!
நடிகர் அஜித்குமார் துணிவு படத்தின் வெற்றிக்குப் பிறகு கிட்டத்தட்ட 9 மாதங்கள் கழித்து தற்போது தனது அடுத்த படமான 'விடாமுயற்சி' படத்தில் நடித்து வருகிறார். இதனை மகிழ் திருமேனி இயக்குகிறார். லைக்கா புரொடக்சன்ஸ் நிறுவனம் தயாரிக்கிறது. இந்த படத்தின் படப்பிடிப்பு துபாயில் உள்ள அஜர்பைஜான் எனும் பகுதியில் நடைபெற்று வருகிறது.
இதில் திரிஷா, ரெஜினா கசண்டரா என இருவரும் கதாநாயகிகளாக நடிக்கின்றனர். இந்த நிலையில் இப்படத்தில் அஜித் இரட்டை வேடத்தில் நடிக்கிறார். இதில் ஒரு கதாபாத்திரம் 50 வயதுக்கு மேல், மற்றொன்று இளைஞர் கதாபாத்திரத்தில் நடிப்பதாக தகவல் வெளியாகியுள்ளது. இதற்கு முன்பு அஜித் வாலி, வில்லன், வரலாறு, அட்டகாசம், பில்லா 1 ஆகிய படங்களில் இரட்டை வேடத்தில் நடித்திருந்தார். இவை அனைத்தும் வெற்றி படங்கள் என்பது குறிப்பிடத்தக்கது.