ஆர்யாவின் வெப் தொடர்: 24ம் தேதி வெளியாகிறது
ஆர்யா நடித்துள்ள வெப் தொடர் 'தி வில்லேஜ்'. இதில் அவருடன் திவ்யா பிள்ளை, அலீயா, ஆடுகளம் நரேன், ஜார்ஜ் மரியான், பூஜா ராமச்சந்திரன், முத்துக்குமார், கலைராணி, ஜான் கோக்கன், வி.ஜெயபிரகாஷ், அர்ஜுன் சிதம்பரம், மற்றும் தலைவாசல் விஜய் உட்பட பலர் நடித்துள்ளார். மிலிந்த்ராவ் இயக்கி உள்ளார்.
தனது குடும்பத்தை ஆபத்திலிருந்து மீட்டு காப்பாற்றுவதற்காக ஒரு சாகச பயணத்தை மேற்கொள்ளும் ஒரு மனிதனை சுற்றி இந்த கதை சுழல்கிறது. பேண்டசி கலந்த த்ரில்லர் தொடராக உருவாகி உள்ளது. மிலிந்த் ராவ், தீராஜ் வைத்தி, மற்றும் தீப்தி கோவிந்தராஜன் ஆகியோர் இதன் திரைக்கதையை எழுதி உள்ளனர். ஸ்டுடியோ சக்தி புரொடக்ஷன்ஸ் சார்பாக பி.எஸ்.ராதாகிருஷ்ணன் தயாரித்துள்ளார்.
இந்த தொடர் வருகிற 24ம் தேதி தமிழில் வெளியாவதோடு தெலுங்கு, மலையாளம், கன்னடம் மற்றும் ஹிந்தி ஆகிய மொழிகளில் மொழிமாற்றம் செய்யப்பட்டு ஆங்கிலத்தில் சப்டைட்டில்களுடன் அமேசான் பிரைம் வீடியோவில் வெளியாகிறது. இது அதிகாரபூர்வமாக அறிவிக்கப்பட்டுள்ளது.