இளையராஜா வாழ்க்கை வரலாற்றில் தனுஷ்.. உறுதி செய்த நிறுவனம்!
இசையமைப்பாளர் இளையராஜா இந்திய சினிமாவில் இதுவரை 1000 படங்களுக்கு மேல் இசையமைத்துள்ளார். கடந்த சில வருடங்களுக்கு முன்பு இளையராஜாவின் வாழ்க்கை வரலாறு படமாக உருவாக உள்ளதாக அறிவித்திருந்தனர். ஆனால், அதன் பிறகு இது குறித்து எந்த அறிவிப்புகளும் வெளியாகவில்லை.
இந்த நிலையில் இளையராஜாவின் வாழ்க்கை வரலாற்று படத்தில் நடிகர் தனுஷ் இளையராஜாவாக நடிக்கவுள்ளார். இதன் படப்பிடிப்பு 2024ம் ஆண்டு அக்டோபர் மாதத்தில் தொடங்கி 2025ம் ஆண்டில் திரைக்கு வருகிறது. இப்படத்தை கன்னெக்ட் மீடியா மற்றும் மெர்குரி என இரு நிறுவனங்கள் இணைந்து தயாரிப்பதாக இன்று பிரஸ் ரிலீஸ் செய்துள்ளனர்.