டிசம்பர் 15ல் 8 புதிய படங்கள் ரிலீஸ்
2023ம் ஆண்டு கடைசி மாதமான டிசம்பர் மாதத்தின் முதல் இரண்டு வாரங்களில் டிசம்பர் 1ம் தேதி 5 படங்களும், டிசம்பர் 8ம் தேதி 5 படங்களும் வெளியாகின. அவற்றுடன் சேர்த்து இந்த ஆண்டில் இதுவரையில் வெளியான படங்களின் எண்ணிக்கை 220ஐ நெருங்கியுள்ளது.
அடுத்து வரும் டிசம்பர் 15ம் தேதி சுமார் 8 படங்கள் வெளியாக உள்ளதாக அறிவிக்கப்பட்டுள்ளன. “அகோரி, ஆலம்பனா, பைட் கிளப், கண்ணகி, பாட்டி சொல்லை தட்டாதே, சபாநாயகன், ஸ்ரீ சபரி ஐயப்பன், தீதும் சூதும்” ஆகிய 8 எட்டு படங்கள் வெளியாக உள்ளதாக அறிவிக்கப்பட்டுள்ளன. இவையனைத்துமே வளரும் நடிகர்கள், சிறிய பட்ஜெட் படங்கள்தான்.
கடந்த இரண்டு வாரங்களாகவே தியேட்டர்களுக்கு அதிக ரசிகர்கள் வராத நிலையில் வரும் வாரம் இத்தனை படங்கள் வெளியாக உள்ளன. முன்னணி நடிகர்கள் படங்கள் வந்தால் மட்டுமே தியேட்டர்களுக்கு வரும் ரசிகர்கள் சிறிய படங்களை நோக்கி அதிகம் வருவதில்லை. இந்த டிசம்பர் மாதத்தில் முன்னணி நடிகர்கள் படங்கள் எதுவுமே வரப் போவதில்லை என்பது கூடுதல் தகவல்.