சலார் படத்திற்கு தணிக்கை குழு 'ஏ' சான்றிதழ்?
பிரசாந்த் நீல் இயக்கத்தில் நடிகர் பிரபாஸ் நடித்து வரும் படம் 'சலார்'. பிரித்விராஜ், ஸ்ருதிஹாசன், ஜெகபதி பாபு, ஸ்ரேயா ரெட்டி மற்றும் பலர் இப்படத்தில் முக்கிய கதாபாத்திரங்களில் நடித்துள்ளனர். ஹோம்பாலே பிலிம்ஸ் தயாரித்துள்ள இப்படத்திற்கு ரவி பசூர் இசையமைக்கிறார். சமீபத்தில் இதன் டிரைலர் வெளியாகி ரசிகர்கள் மத்தியில் கலவையான விமர்சனங்களைப் பெற்றது.
இந்த நிலையில் இப்படத்தில் அதிகமாக ரத்தம் தெறிக்கும் வன்முறை காட்சிகள் இடம்பெற்றுள்ளதால் இதற்கு தணிக்கை குழு 'ஏ' சான்றிதழ் அளிக்கப்பட்டதாக சமூக வலைதளங்களில் தகவல் கசிந்ததுள்ளது. மேலும், இப்படம் 2 மணி நேர 55 நிமிட நீளம் கொண்ட படமாக தயாராகியுள்ளதாக கூறப்படுகிறது. டிச.,22ல் படம் ரிலீசாகிறது.