ராமர் கோயில் கும்பாபிஷேகம்: அயோத்தி செல்கிறார் ரஜினி
அயோத்தியில் புதிதாக கட்டப்பட்டு வரும் ராமர் கோயில் கும்பாபிஷேகம் வரும் 22ம் தேதி நடைபெற உள்ளது. அன்றைய தினம் ராமரின் குழந்தை வடிவிலான சிலை பிரதிஷ்டை செய்யப்பட உள்ளது. இந்த விழாவில் பங்கேற்க நடிகர் ரஜினிக்கும் அழைப்பு விடுக்கப்பட்டுள்ளது. அவருக்கு தமிழக பா.ஜ., சமூக ஊடக பார்வையாளரும், சிவகங்கை லோக்சபா தொகுதி மேலிட பொறுப்பாளருமான அர்ஜூன மூர்த்தி அழைப்பிதழை வழங்கினார்.
இதனையடுத்து, ராமர் கோயில் திறப்பு விழாவிற்கு நடிகர் ரஜினிகாந்த் தன்னுடைய மனைவி மற்றும் சகோதரருடன் 21ம் தேதி அயோத்தி செல்ல உள்ளார். 22ம் தேதி அயோத்தியில் தங்கி கும்பாபிஷேக நிகழ்ச்சியில் பங்கேற்றுவிட்டு 23ம் தேதி மீண்டும் சென்னை திரும்புகிறார்.