சைரன் (தமிழ்)
அறிமுக இயக்குநர் ஆண்டனி பாக்யராஜ் இயக்கத்தில் ஜெயம் ரவி, கீர்த்தி சுரேஷ், அனுபமா பரமேஸ்வரன் ஆகியோர் நடிப்பில் உருவாகியுள்ள திரைப்படம் ‘சைரன்’. ஆக்ஷன், திரில்லர் திரைப்படமான இது பிப்ரவரி 16-ம் தேதி (இன்று) திரையரங்குகளில் வெளியாகிறது.
பிரமயுகம் (Bramayugam) – மலையாளம்
ராகுல் சதாசிவன் இயக்கத்தில் மம்மூட்டி நடித்திருக்கும் திரைப்படம் ‘பிரம்மயுகம் (Bramayugam)’. 18 ஆம் நூற்றாண்டில் வாழ்ந்த ‘குஞ்சமன் போட்டி’ என்ற மாந்திரீகரின் வாழ்க்கையில் நடந்த அமானுஷ்யச் சம்பவங்களை மையமாக வைத்து இப்படம் எடுக்கப்பட்டுள்ளதாகக் கூறப்படுகிறது. மாந்திரீக அமானுஷ்யங்கள் நிறைந்த ஹாரர் திரைப்படமான இது பிப்ரவரி 15 ஆம் தேதி (நேற்று) திரையரங்குகளில் வெளியாகியிருக்கிறது.
Thundu (மலையாளம்)
ரியாஸ் ஷெரீப் இயக்கத்தில் பிஜு மேனன், ஷைன் டாம் சாக்கோ, உன்னிமய பிரசாத் உள்ளிட்டோர் நடிப்பில் உருவாகியுள்ள திரைப்படம் ‘Thundu’. பதவி உயர்வு பெறுவதற்காக ஆசையுடன் காத்திருக்கும் காவலரான பிஜு மேனன், என்கவுன்டர் பிரச்னையில் மாட்டிக்கொள்கிறார். அதை அவர் எப்படி எதிர்கொண்டார், அதிலிருந்து மீண்டாரா என்பதுதான் இதன் கதைக்களம். இத்திரைப்படம் பிப்ரவரி 16ஆம் தேதி (இன்று) திரையரங்குகளில் வெளியாகியிருக்கிறது.
Madame Web (ஆங்கிலம்)
எஸ்.ஜே. கிளார்க்சன் இயக்கத்தில் டகோட்டா ஜான்சன், சிட்னி ஸ்வீனி, இசபெலா மெர்சிட் உள்ளிட்டோர் நடிப்பில் உருவாகியுள்ள திரைப்படம் ‘Madame Web’. மார்வெல் காமிக்ஸை அடிப்படையாகக் கொண்ட சயின்ஸ் பிக்சன் ஆக்ஷன் திரில்லர் திரைப்படமான இது பிப்ரவரி 16-ம் தேதி (இன்று) திரையரங்குகளில் வெளியாகியிருக்கிறது.
Land of Bad (ஆங்கிலம்)
வில்லியம் யூபாங்க் இயக்கத்தில் ரஸ்ஸல் குரோவ், மிலோ வென்டிமிக்லியா, லியாம் ஹெம்ஸ்வொர்த் உள்ளிட்டோர் நடிப்பில் உருவாகியுள்ள திரைப்படம் ‘Land of Bad’. ஆக்ஷன் திரில்லர் திரைப்படமான இது பிப்ரவரி 16-ம் தேதி (இன்று) திரையரங்குகளில் வெளியாகியிருக்கிறது.
Bob Marley: One Love (ஆங்கிலம்)
ரெனால்டோ மார்கஸ் கிரீன் இயக்கத்தில் கிங்ஸ்லி பென்-ஆதிர், லஷானா லிஞ்ச், ஜேம்ஸ் நார்டன் உள்ளிட்டோர் நடிப்பில் உருவாகியுள்ள திரைப்படம் ‘Bob Marley: One Love’. உலகப் புகழ்பெற்ற ராப் இசைக் கலைஞரான பாப் மார்லியின் வாழ்க்கைக் கதையைத் தழுவி எடுக்கப்பட்டுள்ள இத்திரைப்படம் பிப்ரவரி 16-ம் தேதி (இன்று) திரையரங்குகளில் வெளியாகியிருக்கிறது.
இந்த வார ஓடிடி ரிலீஸ்கள்
BhamaKalapam 2 (தெலுங்கு) – Aha
அபிமன்யு இயக்கத்தில் பிரியாமணி, சரண்யா பிரதீப் உள்ளிட்டோர் நடிப்பில் உருவாகியுள்ள திரைப்படம் ‘BhamaKalapam 2’. இது 2022-ம் ஆண்டு ஓ.டி.டி-யில் நேரடியாக வெளியான ‘BhamaKalapam’ படத்தின் இரண்டாம் பாகம். இந்தப் படம் ஆஹா ஓ.டி.டி-யில் இன்று (பிப்ரவரி 16) வெளியாகியிருக்கிறது.
Five Blind Dates (ஆங்கிலம்)
ஷான் சீட் இயக்கத்தில் ஷுவாங் ஹு, யோசன் ஆன், ஜான் பிரசிதா உள்ளிட்டோர் நடிப்பில் உருவாகியுள்ள திரைப்படம் ‘Five Blind Dates’. சரியான காதலரைத் தேர்வு செய்ய நினைக்கும் பெண்ணின் காமெடி நிறைந்த காதல் கதை இது. இத்திரைப்படம் ‘Amazon Prime Video’ ஓடிடி தளத்தில் வெளியாகியுள்ளது.
Players (ஆங்கிலம்) – Netflix
ட்ரிஷ் சை இயக்கத்தில் ஜினா ரோட்ரிக்ஸ், டாமன் வயன்ஸ் ஜூனியர், டாம் எல்லிஸ் உள்ளிட்டோர் நடிப்பில் உருவாகியுள்ள திரைப்படம் ‘Players’. காதல், காமெடி, ரொமான்ஸ் நிறைந்த இத்திரைப்படம் ‘Netflix’ ஓடிடி தளத்தில் வெளியாகியுள்ளது.
The Bridge Curse: Ritual (சீன மொழி) – Netflix
லெஸ்டர் இயக்கத்தில் நிங் சாங், ஜே.சி.லின், சம்மர் மெங்க் உள்ளிட்டோர் நடிப்பில் உருவாகியுள்ள சீன மொழி திரைப்படம் ‘The Bridge Curse: Ritual’. ஹாரர், திரில்லர் திரைப்படமான இது ‘Netflix’ ஓடிடி தளத்தில் வெளியாகியுள்ளது.
This Is Me… Now (ஆங்கிலம்) – Amazon Prime Video
டேவ் மேயர்ஸ் இயக்கத்தில் சோபியா வெர்கரா, பென் அஃப்லெக், ஜெனிபர் லோபஸ் உள்ளிட்டோர் நடிப்பில் உருவாகியுள்ள திரைப்படம் ‘This Is Me… Now’. அதிரடி ஆக்ஷன் நிறைந்த காதல் திரைப்படமான இது ‘Amazon Prime Video’ ஓடிடி தளத்தில் வெளியாகியுள்ளது.
இந்த வார வெப்சீரிஸ்கள்
வேற மாறி லவ் ஸ்டோரி (தமிழ்) – Aha
சிதம்பரம் மணிவண்ணன் இயக்கத்தில் லாவண்யா, கண்ணதாசன், சியாமா ஹரிணி, விக்கல்ஸ் விக்ரம், சௌந்தரியா உள்ளிட்டோர் நடிப்பில் உருவாகியுள்ள தமிழ் வெப்சீரிஸ் ‘வேற மாறி லவ் ஸ்டோரி’. நண்பர்களின் கலாட்ட நிறைந்த காதல் வெப்சீரிஸான இது ‘Aha’ ஓ.டி.டி தளத்தில் வெளியாகியுள்ளது.
Love Storiyaan (இந்தி) – Amazon Prime Video
ராகுல் பத்வெல்கர், கொலின் டி’குன்ஹா, அக்ஷய் இந்திகர், ஷாஜியா இக்பால், ஹர்திக் மேத்தா, அர்ச்சனா பட்கே, விவேக் சோனி ஆகியோர் இயக்கத்தில் ட்விங்கிள் ஷெரிங், பூனம் குருங், அங்கித் அரோரா உள்ளிட்டோர் நடிப்பில் உருவாகியுள்ள இந்தி வெப்சீரிஸ் ‘Love Storiyaan’. ஆறு வித்தியாசமான காதல் கதைகள் கொண்ட இந்த வெப்சீரிஸ் ‘Amazon Prime Video’ ஓ.டி.டி தளத்தில் வெளியாகியுள்ளது.
Tracker (ஆங்கிலம்) – Disney + Hotstar
கென் ஒலின் இயக்கத்தில் பென் எச். விண்டர்ஸ் இயக்கத்தில் ஜஸ்டின் ஹார்ட்லி, ராபின் வீகெர்ட், அப்பி மெக்னானி உள்ளிட்டோர் நடிப்பில் உருவாகியுள்ள டிவி சீரிஸ் ‘Tracker’. மர்மான முறையில் காணாமல் போன மலையேற்ற சுற்றுலா பயணிகளைத் தேடும் க்ரைம் திரில்லர் சீரிஸான இது, இந்தியாவில் ‘Disney+ Hotstar’ ஓடிடி தளத்தில் வெளியாகியுள்ளது.
Raisinghani vs Raisinghani (இந்தி) – SonyLiv
அனிருத்தா ராஜ்தேர்கர், பாவனா ஸ்ரேஷ் ஆகியோர் இயக்கத்தில் ஜெனிபர் விங்கட், கரண் வாஹி, ரீம் ஷேக் உள்ளிட்டோர் நடிப்பில் உருவாகியுள்ள இந்தி வெப்சீரிஸ் ‘Raisinghani vs Raisinghani’. வழக்கறிஞராக இருக்கும் கதாநாயகியின் கரியர் போராட்டம்தான் இதன் கதைக்களம். இந்த வெப்சீரிஸ் ‘SonyLiv’ ஓடிடி தளத்தில் வெளியாகியுள்ளது.
தியேட்டர் டு ஓடிடி
சபா நாயகன் (தமிழ்) – Disney+ Hotstar
சி.எஸ்.கார்த்திகேயன் இயக்கத்தில் அசோக் செல்வன், கார்த்திகா முரளீதரன், மேகா ஆகாஷ் உள்ளிட்டோர் நடிப்பில் உருவான திரைப்படம் ‘சபா நாயகன்’. பள்ளிப் பருவ நண்பர்களின் நட்பு, காதல் ஆகியவற்றைப் பற்றிய நாஸ்டாலஜியான ஞாபகங்கள் நிறைந்த இத்திரைப்படம் ‘Disney+ Hotstar’ ஓடிடி தளத்தில் வெளியாகியுள்ளது.
ரூட் நம்பர் 17 (தமிழ்) – Amazon Prime Video
அபிலாஷ் ஜி. தேவன் இயக்கத்தில் ஜித்தன் ரமேஷ், அஞ்சு பாண்டியா, அகில் பிரபாகர், மதன் குமார் தட்சிணாமூர்த்தி உள்ளிட்டோர் நடிப்பில் உருவாகியுள்ள திரைப்படம் ‘ரூட் நம்பர் 17’. ஹாரர், திரில்லர் திரைப்படமான இது ‘Amazon Prime Video’ ஓடிடி தளத்தில் வெளியாகியுள்ளது.
ஜாலியாக ட்ரிப் செல்லும் காதல் ஜோடிகள் ஹாரர் நிறைந்த சாலை ஒன்றில் செல்லும்போது சில அமானுஷ்ய விஷயங்களில் மாட்டிக்கொள்கிறார்கள். அதே சாலையில் தொடர்ந்து இதுபோன்ற அனானுஷ்யங்கள் நிகழ்வது வழக்கமாக இருக்கிறது. இதற்கு பின்னால் இருப்பது பேயா இல்லா சீரியல் கில்லரா என்பதுதான் இதன் கதைக்களம்.
Queen Elizabeth (மலையாளம்) – Zee 5
எம்.பத்மகுமார் இயக்கத்தில் நரேன், மீரா ஜாஸ்மின், ஸ்வேதா உள்ளிட்டோர் நடிப்பில் உருவாகியுள்ளது இத்திரைப்படம். மீரா ஜாஸ்மினின் காதல், குடும்பம் என மனதிற்கு இலகுவான மலையாளத் திரைப்படமான இது ‘Zee5’ ஓடிடி தளத்தில் வெளியாகியுள்ளது.
Dunki (இந்தி) – Netflix
‘3 இடியட்ஸ்’, ‘முன்னாபாய் எம்.பி.பி.எஸ்’, ‘பிகே’ போன்ற படங்களின் மூலம் கவனம் ஈர்த்த ராஜ்குமார் ஹிரானி இயக்கத்தில் ஷாருக் கான், டாப்ஸி பண்ணு, ரியான் கிரெட்னி, பிரியா சிந்தர் உள்ளிட்டோர் நடிப்பில் உருவான திரைப்படம் ‘Dunki’. 1995-ல் பஞ்சாப்பில் இருக்கும் லால்து என்னும் சிறு கிராமத்தில் இருக்கும் நண்பர்கள் பொருளாதார ரீதியான பிரச்னையின் காரணமாக பெரிய பின்புலம் எதுவும் இல்லாமல், ஆங்கிலமும் தெரியாமல் விசா வாங்கி வெளிநாடு செல்லப் போராடுவதுதான் இதன் கதைக்களம். இத்திரைப்படம் தற்போது ‘Netflix’ ஓடிடி தளத்தில் வெளில்யாகியுள்ளது.
‘தி கேரளா ஸ்டோரி’ (இந்தி, தமிழ்) – Zee5
‘ஆஸ்மா’, ‘தி லாஸ்ட் மாங்க்’ போன்ற திரைப்படங்களை இயக்கிய சுதிப்தோ சென் என்பவர் இயக்கத்தில் இந்தி, தமிழ் உள்ளிட்ட மொழிகளில் வெளியாகி இந்தியா முழுவதும் பெரும் சர்ச்சைகளைக் கிளப்பியத் திரைப்படம் ‘தி கேரளா ஸ்டோரி’. இத்திரைப்படம் ‘Zee5’ ஓடிடி தளத்தில் வெளியாகியுள்ளது.
Naa Saami Ranga (தெலுங்கு) – Disney + Hotstar
‘பொரிஞ்சு மரியம் ஜோஸ்’ என்கிற மலையாளத் திரைப்படத்தின் தெலுங்கு ரீமேக்காக உருவாகியிருக்கிறது ‘நா சாமி ரங்கா’. நடிகர் நாகர்ஜுனா நடிப்பில் உருவாகியிருக்கிற இப்படத்தை விஜய் பின்னி இயக்கியிருக்கிறார். கீரவாணி இசையமைத்துள்ள இப்படம் ‘Disney + Hotstar’ ஓடிடி தளத்தில் வெளியாகியுள்ளது.
இதில் எந்தப் படத்திற்காக இந்த வாரம் உங்கள் நேரத்தை ஒதுக்குகிறீர்கள் என்பதை கமென்ட்டில் தெரிவிக்கவும்.