யாழ்ப்பாண மாவட்ட நல்லூர் பிரதேச செயலக J/126 கிராம அலுவலர் பிரிவில் கியூடெக் கரிதாஸ் நிறுவனத்தின் ஏற்பாட்டில் வீட்டுத்தோட்டப் பயனாளிகளுக்கு சேதன கூட்டுப் பசளை தயாரிக்கும் முறை பற்றிய செய்முறை ரீதியான பயிற்சி நேற்று (21.02.2024) விவசாய போதனாசிரியரால் வழங்கப்பட்டது.
அத்துடன் தென்னை மரங்களில் வெள்ளை ஈ தாக்கம் பற்றிய விழிப்புணர்வு விவசாய அபிவிருத்தி உத்தியோகத்தரால் வழங்கப்பட்டதுடன், பயனாளி ஒருவருக்கு ரூபா 4500 பெறுமதியான வீட்டுத்தோட்ட உபகரணங்கள் வழங்கப்பட்டன.
இந் நிகழ்வில் விவசாய அபிவிருத்தி உத்தியோகத்தர்கள், கிராம சேவகர், சமுர்த்தி உத்தியோகத்தர் மற்றும் பொருளாதார அபிவிருத்தி உத்தியோகத்தர் உள்ளிட்டோர் கலந்துகொண்டிருந்தார்கள்.