தமிழகத்தில் நான்கு நகரங்களில் இசை நிகழ்ச்சி நடத்தும் விஜய் ஆண்டனி
இசை அமைப்பாளர்கள் இசை சுற்றுப் பயணம் செய்யும் டிரண்ட் இப்போது அதிகரித்துள்ளது. ஏ.ஆர்.ரகுமான் இதனை பல ஆண்டுகளாக செய்கிறார். கடந்த சில ஆண்டுகளுக்கு முன்பு இளையராஜா தொடங்கினார். இப்போது யுவன் சங்கர் ராஜா, ஹாரிஸ் ஜெயராஜ், வித்யாசாகர், சந்தோஷ் நாராயணன் நடத்தி வருகிறார்கள். இவர்கள் வரிசையில் தற்போது விஜய் ஆண்டனியும் இணைந்துள்ளார்.
'ரோமியோ விஜய் ஆண்டனி லைவ்-ன் கான்செர்ட்' என்ற பெயரில் தமிழ்நாட்டின் நான்கு முக்கிய நகரங்களான திருச்சியில் மார்ச் 30ம் தேதியும் சேலத்தில் ஏப்ரல் 6ம் தேதியும், கோவையில் ஏப்ரல் 7ம் தேதியும், மதுரையில் ஏப்ரல் 13ம் தேதியும் இசை கச்சேரி நடத்துகிறார்.