ஹீரோ வீடா எலக்ட்ரிக் பிராண்டில் V1 Pro எலக்ட்ரிக் ஸ்கூட்டருக்கு அதிகபட்சமாக வீடா அட்வான்டேஜ் என்ற பெயரில் ரூ.27,000 வரை சலுகை ஏப்ரல் 30 ஆம் தேதி வரை அறிவிக்கப்பட்டுள்ளது.
அதிகபட்சமாக ரேஞ்ச் 165 கிமீ வழங்கும் என சான்றிதழ் வழங்கப்பட்டுள்ள வி1 ப்ரோ எலக்ட்ரிக் ஸ்கூட்டரில் மணிக்கு 80 கிமீ வேகத்தை எட்டுவதுடன் உண்மையான பயணிக்கும் வரம்பு 110-120 கிமீ வரை வெளிப்படுத்துகின்றது.
அனைத்து வீடா வி1 புரோ ஸ்கூட்டர் வாடிக்கையாளர்களுக்கும் இந்த சிறப்பு சலுகை எவ்விதமான கட்டணமும் இன்றி கிடைக்க உள்ளது.
Vida Advantage package
- வி1 ப்ரோவில் உள்ள பேட்டரிகளுக்கும் ஐந்தாண்டு அல்லது 60,000 கிமீ உத்தரவாதம்
- 2,000 க்கும் மேற்பட்ட சார்ஜிங் புள்ளிகளுக்கான இலவசமாக சார்ஜிங் அனுமதி
- அனைத்து வீடா சர்வீஸ் மையங்களிலும் இலவச சேவை,
- 24×7 சாலையோர உதவி
- பலவேறு கனெக்ட்டிவிட்டி வசதிகள் மற்றும் பாதுகாப்பு அம்சங்களை அணுகுவதற்கான வீடா செயலி பயன்பாட்டை பெறலாம் என தெரிவிக்கப்பட்டுள்ளது.
தற்பொழுது வீடா எலக்ட்ரிக் ஸ்கூட்டரின் விலை ரூ.1,45,900 ஆக அறிவிக்கப்பட்டுள்ளது. ஏப்ரல் 1 ஆம் தேதி முதல் எலக்ட்ரிக் இரு சக்கர வாகனங்கள் மற்றும் மூன்று சக்கர வாகனங்களுக்கு மானியம் குறைக்கப்படுகின்றது.