விஜய் பிறந்தநாளில் வெளியாகும் ‛கோட்' டீசர்!
வெங்கட் பிரபு இயக்கத்தில் விஜய் இரண்டு வேடங்களில் நடித்து வரும் படம் ‛கோட்'. அவருடன் சினேகா, மீனாட்சி சவுத்ரி, பிரசாந்த், பிரபுதேவா, மோகன் உள்ளிட்ட பலர் முக்கிய வேடங்களில் நடிக்கும் இந்த படத்திற்கு யுவன் சங்கர் ராஜா இசை அமைத்திருக்கிறார். இதற்கு முன்பு அஜித் நடித்த மங்காத்தா படத்தை போன்று இந்த படத்திலும் விஜய் சம்பந்தப்பட்ட முக்கிய காட்சிகளுக்காக ஒரு புதிய ட்ராக் மியூசிக் தயார் செய்திருக்கிறார் யுவன் சங்கர் ராஜா.
மேலும், ஏப்ரல் 14ம் தேதி கோட் படத்தின் முதல் சிங்கிள் பாடல் வெளியாக உள்ள நிலையில், விஜய் பிறந்தநாளான ஜூன் 22ம் தேதி இப்படத்தின் டீசர் வெளியாக இருப்பதாக புதிய தகவல்கள் வெளியாகி உள்ளன.