கவுதம் மேனனின் கனவுப்படம் 'துப்பறியும் ஆனந்த்'
காதல் படங்களாகட்டும் ஆக்ஷன் படங்களாகட்டும் தனக்கென ஒரு ஸ்டைலிஷான பாணியல் படங்களை இயக்கி வருபவர் கவுதம் மேனன். அதனால் இவரது படங்களுக்கு என்று தனியாக ஒரு ரசிகர் வட்டம் உண்டு. அந்த வகையில் இவரது இயக்கத்தில் விக்ரம் நடிப்பில் உருவாகி நீண்ட நாட்களாக ரிலீஸாக காத்திருக்கும் துருவ நட்சத்திரம் படமும் அப்படி ஒரு ஸ்டைலிசான ஆக்ஷன் படமாக உருவாகி இருக்கிறது. விரைவில் அந்த படம் வெளியாகவும் இருக்கிறது.
இந்த படத்தின் ரிலீஸ் வெற்றிகரமாக நடந்த பிறகு தான் தனது அடுத்த படங்களில் கவனம் செலுத்த போவதாக கூறியுள்ளார் கவுதம் மேனன். மேலும் தனது கனவுப்படம் என்று 'துப்பறியும் ஆனந்த்' என்கிற ஒரு டிடெக்டிவ் கதையை உருவாக்கி வைத்திருப்பதாகவும் சிறுவயதிலிருந்தே அதுபோன்ற கதை மீது தனக்கு மிகப்பெரிய ஆர்வம் இருப்பதாகவும் அதைத்தான் தனது கனவுப்படமாக இயக்க உள்ளதாகவும் சமீபத்திய பேட்டி ஒன்றில் கூறியுள்ளார்.