கேரள மாநிலம், திருவனந்தபுரம் கரமனா பகுதியில் வீட்டை ஒட்டி வண்ண மீன்கள் விற்பனை மற்றும் பெட் ஷாப் நடத்தி வந்தவர் அகில் (26). இவரை நேற்று மாலை 4 மணி அளவில் காரில் வந்த ஒரு கும்பல் வலுக்கட்டாயமாக காரில் ஏற்றிக்கொண்டு சென்றது. ஆள்நடமாட்டம் குறைவான பகுதியில் அகிலை கொண்டுசென்று, கம்பியால் தலையில் தாக்கியும் கல்லை தூக்கித் தலையை போட்டும் அவரை கொலை செய்துவிட்டு, அந்தக் கும்பல் தப்பியது. இந்த சம்பவம் நடந்து அரை மணி நேரத்துக்குப் பின் அப்பகுதியை சேர்ந்தவர்கள் சாலையில் ரத்த வெள்ளத்தில் கிடந்த அகிலை பார்த்துள்ளனர். அவரை மீட்டு திருவனந்தபுரம் அரசு மருத்துவக் கல்லூரி மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள் அகில் இறந்து விட்டதாக தெரிவித்தனர். இந்த நிலையில் அகில் கொடூரமாக தாக்கப்பட்டு கொலைசெய்யப்படும் சி.சி.டி.வி வீடியோ காட்சி வெளியாகி உள்ளது. அதில் கம்பி மற்றும் கல்லால் அடித்து அகிலின் தலையை உடைக்கும் பதைபதைக்க வைக்கும் காட்சிகள் இடம்பெற்றுள்ளன. இது குறித்து போலீசார் விசாரணை நடத்தி ஒருவரை கைது செய்துள்ளனர். மேலும், சிலரை தேடி வருகின்றனர்.
இதுகுறித்து போலீஸார் கூறுகையில், “இளைஞர் கொலை வழக்கில் குற்றவாளிகளை அடையாளம் கண்டுள்ளோம். வட்டப்பாறை பகுதியைச் சேர்ந்த கிரண் கிருஷ்ணா, அனீஷ், சுமேஷ், வினித் ஆகியோர் வழக்கில் குற்றவாளிகள் என கண்டறிந்துள்ளோம். இவர்கள் 2019 -ம் ஆண்டு அனந்து என்ற இளைஞரை கொலை செய்த வழக்கில் குற்றவாளிகள் ஆவார்கள். அவர்கள் 90 நாட்கள் சிறையில் இருந்த நிலையில் குற்றப்பத்திரிகை தாக்கல் செய்ததை அடுத்து ஜாமீனில் வெளியே வந்துள்ளனர். பாப்பனங்கோடு பாரில் வைத்து கடந்த மாதம் 25-ம் தேதி அகிலுக்கும், கொலையாளிகளுக்கும் தகராறு ஏற்பட்டுள்ளது. அந்த முன்பகை காரணமாக இந்த கொலை நடந்துள்ளது. இதில் கிரண் கிருஷ்ணாவை கஸ்டடியில் எடுத்துள்ளோம். மற்றவர்களை தேடி வருகிறோம்” என்றனர்.
இந்த நிலையில் கேரளாவில் சட்டம் ஒழுங்கு கெட்டுவிட்டதாக காங்கிரஸ் எதிர்க்கட்சி தலைவர் வி.டி.சதீசன் தெரிவித்துள்ளார். இது குறித்து வி.டி.சதீசன் கூறுகையில், “கேரளாவில் சட்டம் ஒழுங்கு முழுவதுமாக தகர்ந்துவிட்டது. யார் வேண்டுமானாலும் சட்டத்தை கையில் எடுக்கலாம் என்ற நிலைக்கு இந்த அரசும் உள்துறையும் கேரளாவை கொண்டு சென்று விட்டது. மாநிலத்தில் எல்லா பகுதிகளிலும் கொடூரமான கொலைகளும், தாக்குதல்களும் தினமும் ரிப்போர்ட் செய்யப்படுகிறது” என்றார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/2b963ppb
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb