கூகுள் பே இனி இருக்காது! இந்தச் சேவைகளும் ஜூன் மாதத்தில் நிறுத்தப்படும் – கூகுள் அறிவிப்பு

கூகுள் ஜூன் மாதம் பெரிய நடவடிக்கை எடுக்க தயாராகி வருகிறது. அதாவது, கூகுள் தனது இரண்டு பிரபலமான சேவைகளை ஜூன் மாதத்தில் மூடப் போகிறது. இதன் காரணமாக மில்லியன் கணக்கான பயனர்கள் பாதிக்கப்படுவார்கள். இருப்பினும், ஜூன் மாதத்தில் கூகுள் சேவை நிறுத்தப்படுவது இந்திய பயனர்களுக்கு என்ன பாதிப்பை ஏற்படுத்தும்? ஜூன் மாதத்தில் Google Pay மற்றும் Google VPN சேவைகள் ஏன் படிப்படியாக நிறுத்தப்படுகின்றன என்பதை விரிவாக பார்க்கலாம்.

Google VPN சேவை

கூகுளுக்குச் சொந்தமான Google One VPN சேவை ஜூன் 20, 2024 முதல் நிறுத்தப்படும். இந்தச் சேவை இந்தியாவில் இதுவரை தொடங்கப்படவில்லை. இதுபோன்ற சூழ்நிலையில், கூகுள் விபிஎன் சேவையை மூடுவதால் இந்திய பயனர்கள் பாதிக்கப்பட மாட்டார்கள். Google Pixel 7 தொடர் பயனர்களுக்கு இலவச Pixel VPN சேவை தொடர்ந்து வழங்கப்படும். இதில் கூகுள் பிக்சல் 7, கூகுள் பிக்சல் 7 ப்ரோ, கூகுள் பிக்சல் 7 ஏ மற்றும் ஃபோல்ட் ஸ்மார்ட்போன் யூசர்களுக்கு எந்த பாதிப்பும் இருக்காது.

கூகுள் பே

கூகுள் பே செயலி அமெரிக்காவில் இந்த ஆண்டு ஜூன் 4 முதல் மூடப்படும். இருப்பினும், இந்தியா மற்றும் சிங்கப்பூர் போன்ற சந்தைகளில், Google Pay முன்பு போலவே செயல்படும். இந்தியா மற்றும் சிங்கப்பூரில் Google Pay செயலியைப் பயன்படுத்தும் பயனர்கள் கவலைப்படத் தேவையில்லை. அமெரிக்க சந்தையில் கூகுள் பே சேவைக்கு பதிலாக கூகுள் வாலட் வழங்கப்படும். சமீபத்தில் கூகுள் வாலட் சேவை இந்தியாவில் வெளியிடப்பட்டது, ஆனால் இந்தியாவில் கூகுள் பே மற்றும் கூகுள் இரண்டும் தனித்தனி சேவைகளாக செயல்படும். அதாவது இந்திய கூகுள் பே ஆப்ஸ் பயனர்கள் எந்தவித கட்டுப்பாடுகளும் இன்றி பணத்தை பரிவர்த்தனை செய்ய முடியும்.

கூகுளின் இரண்டு சேவைகள் நிறுத்தப்படுவது தொடர்பாக இந்திய யூசர்கள் மத்தியில் ஒருவித அச்சம் ஏற்பட்ட நிலையில், இப்போது அதுகுறித்த தெளிவு கிடைத்துள்ளதால் நிம்மதி அடைந்துள்ளனர். இந்தியாவில் கூகுள் பே, கூகுள் வாலட் இரண்டையும் யூசர்கள் தனித்தனியாக பயன்படுத்திக் கொள்ளலாம்.