இந்தியன் -2′ திரைப்படம் வரும் ஜூன் 12ம் தேதி திரை காணவிருக்கிறது.
இதையொட்டி இப்படத்தின் இசை வெளியீட்டு விழா சென்னை நேரு உள்விளையாட்டு அரங்கில் நடைபெற்றது. 1996-ம் ஆண்டு வெளியான இப்படத்தின் முதல் பாகத்திற்கு நல்ல வரவேற்பு கிடைத்ததை அடுத்து, இந்த காலத்திற்கேற்ப அரசியல் பேசும் படமாக பிரமாண்டமான முறையில் எடுக்கப்பட்டுள்ளது இதன் இரண்டாம் பாகம். முதல் பாகத்திற்கு ஏ.ஆர். ராஹ்மான் இசையமைத்திருந்தார். பின்னணி இசை மற்றும் எல்லா பாடல்களும் மெகா ஹிட். இந்நிலையில் இரண்டாம் பாகத்திற்கு அனிருத்தின் இசையை பலரும் எதிர்பார்த்துக் காத்திருந்தனர்.
இப்படத்தின் ‘பாரா’ பாடல் வெளியாகி நல்ல வரவேற்பைப் பெற்றது. பா. விஜய்யின் பாடல் வரிகள் பலரின் கவனத்தை ஈர்த்திருந்தது. இதைத்தொடர்ந்து தாமரை வரிகளில் வெளியான காதல் பாடலான ‘நீலோற்பம்’ பாடலும் கவனத்தை ஈர்த்திருந்தது. தற்போது இப்படத்தின் அனைத்து பாடல்களும் வெளியாகியுள்ளது.
இதையடுத்துப் பேசிய அனிருத், “நான் 90ஸ் கிட். என்னுடைய பேவரைட் இயக்குநர் ஷங்கர் சார்தான். என்னுடைய முதல் திரைப்படம் ‘3’. இது என்னுடைய 33வது திரைப்படம்.
.jpg)
இதே மாதிரி ‘விக்ரம்’ திரைப்பட விழாவுல அந்த படம் அடிச்சு தூக்கும்னு சொன்னேன். அதே மாதிரி படம் பயங்கர ஹிட்டாகுச்சு. ஜூலை மாசத்துல இந்தியன் தாத்தா வர்றாரு அலறவிடப் போறாரு. சோஷியல் மீடியாவுல அவரோட காலம் இவரோட காலம்னு போடுவாங்க. ஷங்கர் சார் சொல்ற மாதிரிதான் 6க்கு அப்புறம் 7 டா.. ரஹ்மான் சாருக்கு அப்புறம் எவன் டா…” என்றார்.