கள்ளக்குறிச்சி மாவட்டத்தில் கள்ளச்சாராயத்தால் 4 பெண்கள் உட்பட 39 பேர் உயிரிழந்த சம்பவம் நேற்று முதல் பெரும் பரபரப்பை ஏற்படுத்தியிருக்கிறது. இதில் 70-க்கும் மேற்பட்டோர் இன்னும் மோசமான நிலையில் மருத்துவமனையில் சிகிச்சை பெற்றுவருவதால் பலி எண்ணிக்கை மேலும் அதிகரிக்கக்கூடும் என்று அஞ்சப்படுகிறது. இதனால், உயிரிழந்தோர் குடும்பங்களுக்கு அரசு தலா 10 லட்ச ரூபாய் நிவாரணத்தொகை அறிவித்திருக்கிறது.
தி.மு.க அரசின் இந்த நிவாரணத்தொகை அறிவிப்பைத் தொடர்ந்து, கடந்த ஆண்டே இதேபோல கள்ளச்சாராய உயிரிழப்புகள் நேர்ந்தபோது இதேபோல 10 லட்ச ரூபாய் அறிவித்து சமாளித்த தி.மு.க அரசின் நிரந்தர தீர்வுதான் என்ன என்று அரசியல் கட்சிகள் கண்டங்களோடு கேள்வி கேட்கின்றன. இந்த நிலையில், அ.தி.மு.க முன்னாள் அமைச்சர் ஜெயக்குமார், கள்ளச்சாராய விவகாரத்தில் திரைத்துறையினர் யாரைக் கண்டு அஞ்சுகின்றனர் என கேள்வியெழுப்பியிருக்கிறார்.
இதுகுறித்து, ஜெயக்குமார் தனது X சமூக வலைதளப்பக்கத்தில், “கள்ளச்சாராயத்தால் 100-க்கும் மேற்பட்ட குடும்பங்கள் மருத்துவமனையின் தூண்களிலும் சாலைகளிலும் கதறி கொண்டிருக்கும் காட்சிகள் கண்களை கலங்க வைக்கிறது. இத்தனைக்குப் பிறகும் திரைத்துறையை சேர்ந்தவர்களிடமிருந்து ஒரு குரலும் வரவில்லை. நடிகர் விஜய் மட்டும் தனக்கு வாய்ப்பளித்து வளர்த்துவிட்ட தமிழர்களுக்கு இடர்நேரங்களில் துணை நிற்க வேண்டும் என உணர்ந்து குரல் கொடுத்துள்ளார்.
கள்ளச்சாராயத்தால் 100-க்கும் மேற்பட்ட குடும்பங்கள் மருத்துவமனையின் தூண்களிலும் சாலைகளிலும் கதறி கொண்டிருக்கும் காட்சிகள் கண்களை கலங்க வைக்கிறது!
இத்தனைக்கு பிறகும் திரைத்துறையை சேர்ந்தவர்களிடம் இருந்து ஒரு குரலும் வரவில்லை!
நடிகர் விஜய் மட்டும் தனக்கு வாய்ப்பளித்து… pic.twitter.com/dGlosDno9x
— DJayakumar (@djayakumaroffcl) June 20, 2024
மீதமுள்ளவர்கள் யாரை கண்டு அஞ்சுகின்றனர்… ஏழை எளிய மக்கள் 200 ரூபாய் கொடுத்து டிக்கெட் வாங்குவதால்தான் நீங்கள் 100 கோடி, 200 கோடி வரை சம்பளம் வாங்குகிறீர்கள். அந்த மக்களுக்கு இது போன்ற நேரங்களில் ஆதரவை கொடுக்க வேண்டிய சமூக பொறுப்பு உங்கள் அனைவருக்கும் கட்டாயம் இருக்கிறது. மானத்தமிழன் மாண்டு போவதை வேடிக்கை பார்க்கும் திரைத்துறையை சார்ந்தவர்களை மக்கள் மன்னிக்க மாட்டார்கள்” என்று ட்வீட் செய்திருக்கிறார்கள்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88