இந்திய சந்தையில் ஹேட்ச்பேக் ரக கார்களுக்கு நல்ல வரவேற்பு உள்ளது. அதில் மாருதி சுஸுகி நிறுவனத்தின் ஸ்விஃப்ட் மாடல் கார் (Maruti Suzuki Swift) முதலிடம் வகிக்கிறது இந்நிலையில், சமீபத்தில் அறிமுகப்படுத்தப்பட்ட நியூ ஸ்விஃப்ட் கார் மீது பெரும் தள்ளுபடியை நிறுவனம் வழங்குகிறது. புதிய மாருதி சுசுகி ஸ்விஃப்ட் வாங்குபவருக்கு அதிகபட்சமாக ரூ.17,100 தள்ளுபடி கிடைக்கும் என்ற தகவல் வெளியாகியுள்ளது. இந்த சலுகையில், நீங்கள் ரூ. 15,000 ரொக்க தள்ளுபடியுடன், ரூ. 2,100 என்ற அளவில் நிறுவனம் அளிக்கும் கூடுதல் சலுகை கிடைக்கும். ஆஃபர் பலனை அனுபவிக்க தாமதிக்காமல் இன்றே கார் வாங்க புக் செய்யுங்கள்.
மாருதி சுஸுகி ஸ்விஃப்ட் கார் செயல் திறன்
தற்போதைய நிலையில் பெட்ரோல் இன்ஜின் கொண்ட மாருதி சுஸுகி ஸ்விஃப்ட் கார் கிடைக்கிறது. ஆனால் கூடிய விரைவில் சிஎன்ஜி இன்ஜின் கொண்ட ஸ்விஃப்ட் கார் அறிமுகம் செய்யப்படும் என்ற எதிர்பார்ப்பு நிலவுகிறது. மாருதி ஸ்விஃப்ட் காரின் செயல்திறனை பொறுத்தவரையில் இதில், புதிய 1.2 லிட்டர் 3 சிலிண்டர் இஸட் சீரிஸ் பெட்ரோல் இன்ஜின் வழங்கப்பட்டுள்ளது. அதிகபட்சமாக 82bhp பவர் மற்றும் 112Nm டார்க் திறனை உருவாக்க கூடிய வகையில் இதன் இன்ஜின் ட்யூனிங் செய்யப்பட்டுள்ளது.
மாருதி சுஸுகி ஸ்விஃப்ட் கார் சிறப்பு அம்சங்கள்
புதுப்பிக்கப்பட்ட மாருதி ஸ்விஃப்ட்டின் கேபினில், 9-இன்ச்ஸ்மார்ட்ப்ளே ப்ரோ ப்ளஸ் டச்ஸ்க்ரீன் இன்ஃபோடெயின்மென்ட் சிஸ்டம், தானியங்கி ஏசி, வயர்லெஸ் போன் சார்ஜிங் போன்ற அம்சங்களைப் உள்ளது. இது தவிர, பயணிகளின் பாதுகாப்பிற்காக, காரில் நிலையான 6-ஏர்பேக்குகள், பின்புற பார்க்கிங் சென்சார் மற்றும் பின்புற பார்க்கிங் கேமரா போன்ற அம்சங்கள் வழங்கப்பட்டுள்ளன.
மாருதி சுஸுகி ஸ்விஃப்ட் கார் மைலேஜ் விபரம்
ஸ்விஃப்ட்டின் பெட்ரோல் மேனுவல் வேரியண்டில் லிட்டருக்கு 24.8 கிலோமீட்டர் மைலேஜ் தருவதாக நிறுவனம் கூறுகிறது. அதேசமயம் மாருதி ஸ்விஃப்ட்டின் பெட்ரோல் ஆட்டோமேட்டிக் பயன்பாட்டில் லிட்டருக்கு 25.75 கிலோமீட்டர் மைலேஜ் தருவதாக கூறப்பட்டுள்ளது.
விற்பனையில் நம்பர் 1 கார் என்ற சாதனை படைத்த மாருதி சுசூகி மாடல்
2024 மே மாதம் புதிய ஸ்விஃப்ட் மாடலை மாருதி அறிமுகப்படுத்தியது. கடந்த 2 மாதங்களில், 35,815 புதிய மாருதி ஸ்விஃப்ட் மாடல் கார்கள் விற்பனையாகியுள்ளன. அதேசமயம், அறிமுகப்படுத்தப்பட்ட முதல் மாதத்திலேயே, புதிய மாருதி ஸ்விஃப்ட் நாட்டின் விற்பனையில் நம்பர் 1 கார் என்ற சாதனை படைத்தது. மாருதி சுஸுகி ஸ்விஃப்ட் தற்போது LXi, VXi, VXi(O), ZXi மற்றும் ZXi+ ஆகிய 5 வகைகளில் கிடைக்கிறது. சந்தையில் ஹூண்டாய் நிறுவனத்தின் கிராண்ட் ஐ10 நியோஸுடன் போட்டியிடும் மாருதி ஸ்விஃப்ட் காரின் எக்ஸ்ஷோரூம் விலை மாடலை பொறுத்து ரூ.6.49 லட்சம் முதல் ரூ.9.64 லட்சம் வரை இருக்கும்.