ராயல் என்ஃபீல்டு மோட்டார் சைக்கிள் நிறுவனத்தின் 2024 ஆம் ஆண்டிற்கான கிளாசிக் 350 மாடலில் புதிய நிறங்கள் மற்றும் மேம்பட்ட சில வசதிகள் பெற்றதாக விற்பனைக்கு ஆகஸ்ட் 12 ஆம் தேதி வெளியிடப்பட உள்ளது.
தற்பொழுது விற்பனையில் உள்ள கிளாசிக் 350 மாடலின் எஞ்சின் பவர் மற்றும் டார்க் ஆகியவற்றில் எந்த மாற்றமும் இருக்காது.
2024 ராயல் என்ஃபீல்டு கிளாசிக் 350
இந்த பைக்கில் தொடர்ந்து 349cc, ஒற்றை சிலிண்டர், ஏர்-ஆயில் கூல்டு என்ஜின் அதிகபட்சமாக 6,100rpm-ல் 20.2 Bhp பவரையும் , 4000rpm-ல் 27 Nm டார்க் வெளிப்படுத்துகின்றது. இந்த என்ஜினில் 5 வேக கியர்பாக்ஸ் வழங்கப்பட்டுள்ளது.
தற்பொழுது 6க்கு மேற்பட்ட வேரியண்டுகளில் பல்வேறு நிறங்களை பெற்றுள்ள இந்த மாடலில் சிங்கிள் சேனல் ஏபிஎஸ் உட்பட் டூயல் சேனல் ஏபிஎஸ் என இருவித ஆப்ஷனும் விற்பனைக்கு கிடைக்க உள்ளது.
புதிய நிறங்கள் மட்டுமல்லாமல் எல்இடி ஹெட்லைட் பெறுவதுடன் கிளஸ்டர் சார்ந்த மேம்பாடுகள் பெறுவதற்கான வாய்ப்புகள் உள்ளது.
டெலஸ்கோபிக் ஃபோர்க் மற்றும் ட்வின் ஷாக் அப்சார்பர் கொண்டதாக உள்ள நிலையில், முன்பக்கம் 300 மிமீ டிஸ்க் பிரேக் மற்றும் 270 மிமீ பின்புற டிஸ்க் பிரேக்கை பெறுகின்றன. 100/90-19 யூனிட் மற்றும் பின்புறத்தில் 120/80-18, முன்புறத்தில் 19 இன்ச் ஸ்போக் வீல் மற்றும் பின்புறத்தில் 18 இன்ச் ஸ்போக் வீல் இருக்கும்.
தற்பொழுது விற்பனையில் கிடைத்து வருகின்ற கிளாசிக் 350 மாடலை போலவே ரூ.1.93 லட்சம் விலையில் துவங்க வாய்ப்புகள் உள்ளது
This News ஆகஸ்ட் 12ல் 2024 கிளாசிக் 350 மாடலை வெளியிடும் ராயல் என்ஃபீல்டு appeared first on Automobile Tamilan.