போராட்டம் எதிரொலி.. நாட்டை விட்டு வெளியேறிய ஷேக் ஹசீனா இந்தியாவில் தஞ்சம்

குடும்பத்தினர் படுகொலை, டெல்லியில் ரகசிய வாழ்க்கை… பல கொடூரங்களை சந்தித்த ஷேக் ஹசீனா

ஷேக் ஹசீனாவுடன் அஜித் தோவல் சந்திப்பு

உத்தரபிரதேசத்தில் உள்ள ஹிண்டன் விமானப்படை தளத்தில் ஷேக் ஹசீனாவை அஜித் தோவல் சந்தித்துள்ளார். கலவரம் காரணமாக வங்காள தேசத்தில் இருந்து வெளியேறிய ஷேக் ஹசீனா இந்தியாவில் தஞ்சம் அடைந்துள்ளார். 

வங்காளதேசத்தில் இருந்து பிரதமர் ஷேக் ஹசீனா வெளியேறிய நிலையில், போராட்டக்காரர்கள் அந்நாட்டு நாடாளுமன்றத்திற்குள் புகுந்து சூறையாடினர்.

வங்காளதேசத்தில் பதற்றமான சூழ்நிலை நிலவுவதால், டாக்காவுக்கான விமான சேவைகளை ஏர் இந்தியா நிறுத்தி உள்ளது. 

இந்தியா வந்தடைந்த ஷேக் ஹசீனா, விரைவில் லண்டன் செல்வார் என எதிர்பார்க்கப்படுகிறது. 

பாதுகாப்பு கருதி நாட்டைவிட்டு வெளியேறிய வங்காளதேச பிரதமர் ஷேக் ஹசீனா, இந்தியாவில் தஞ்சம் அடைந்தார். அவர் பயணம் செய்த ராணுவ விமானம் காசியாபாத்தில் உள்ள ஹிண்டன் விமானப்படை தளத்தில் தரையிறங்கியது. அவரை ராணுவ அதிகாரிகள் வரவேற்று அழைத்துச் சென்றனர். 

வங்காள தேசத்தில் சலிமுல்லா கான் தலைமையில் இடைக்கால அரசு

வங்காள தேசத்தில் சலிமுல்லா கான் தலைமையில் இடைக்கால அரசு அமைவதாக ராணுவ தளபதி தெரிவித்துள்ளார். இடைக்கால அரசின் பிரதமராக சலிமுல்லா கான் செயல்படுவார் என அவர் கூறியுள்ளார்.  ஓய்வுபெற்ற நீதிபதி ஓய்வு பெற்ற ராணுவ ஜெனரல்கள் என 10 பேர் கொண்ட அமைச்சரவை அமைகிறது.