இந்தியாவில் பிஎஸ்ஏ நிறுவனத்தின் கோல்டு ஸ்டார் 650 மோட்டார்சைக்கிளை ரூ.2.99 லட்சம் முதல் ரூ.3.35 லட்சம் வரை விலையில் விற்பனைக்கு மஹிந்திராவின் கிளாசிக் லெஜென்ட்ஸ் நிறுவனம் அறிமுகப்படுத்தியுள்ளது. ஏற்கனவே, இந்தியாவில் ராயல் என்ஃபீல்டுக்கு போட்டியாக கிளாசிக் லெஜென்ட்ஸ் கீழ் ஜாவா, யெஸ்டி பெயரில் பைக்குகள் விற்பனை செய்யப்படுகின்ற நிலையில் பிஎஸ்ஏ பைக்கும் வந்துள்ளது.
கோல்டு ஸ்டார் 650 பைக்கில் 652சிசி சிங்கிள் சிலிண்டர் லிக்விட் கூல்டு எஞ்சின் அதிகபட்ச பவரை 6500RPM-ல் 45 Hp , 4000RPM-ல் 55 Nm டார்க் வெளிப்படுத்துவதுடன் இதில் ஐந்து வேக கியர்பாக்ஸுடன் இணைக்கப்பட்டுள்ளது.
முன்பக்கத்தில் 41mm டெலிஸ்கோபிக் ஃபோர்க், பின்புறத்தில் இரட்டை ஷாக் அப்சார்பர் கொண்டுள்ளது. பிரேக்கிங் அமைப்பில் முன்புறத்தில் 320mm டிஸ்க் மற்றும் பின்புறத்தில் 255mm டிஸ்க் பிரேக்குடன் டூயல் சேனல் ஏபிஎஸ் உள்ளது.
12 லிட்டர் பெட்ரோல் டேங்கினை கொண்டு 780 மிமீ இருக்கை உயரத்துடன் முன்பக்கத்தில் 18 அங்குல வீல் மற்றும் பின்புறத்தில் 17 அங்குல வீலுடன் பைரேலி பான்டம் ஸ்போர்ட்ஸ்காம்ப் டயரை பெற்று முன்புறத்தில் 100/90 மற்றும் 150/70 பின்புற டயரை கொண்டுள்ளது.
BSA கோல்டு ஸ்டார் 650 பைக்கிற்கு போட்டியாக ராயல் என்ஃபீல்டு இன்டர்செப்டார் 650 மாடலும் மற்ற 650சிசி என்ஃபீல்டு பைக்குகளும் உள்ளன.
BSA GoldStar price list
- GoldStar 650 Silver Sheen Legacy Edition – ₹3,34,990
- GoldStar Red, Highland green – ₹ 2,99,990
- GoldStar black, silver – ₹ 3,11,990
- GoldStar shadow black -₹3,15,990