BSNL’s 70-day recharge plan : பிஎஸ்என்எல் சிம் பயன்படுத்துபவர்களுக்கு மகிழ்ச்சியான செய்தி வந்துள்ளது. பணத்திற்கு சிறந்த மதிப்பை வழங்கும் மிகவும் மலிவு விலை ரீசார்ஜ் திட்டம், மொபைல் பயனர்களுக்கு நல்ல ஜாக்பாட் திட்டமாகும்.. 70 நாட்கள் செல்லுபடியாகும் இந்த சிறப்பு ரீசார்ஜ் திட்டம், மிகவும் மலிவானது மற்றும் பல நல்ல அம்சங்களை வழங்குகிறது.
70 நாட்களுக்கு மலிவான திட்டம்
தினசரி 2 ஜிபி டேட்டா வழங்கும் அரசு தொலைத்தொடர்பு நிறுவனம் பிஎஸ்என்எல், வாடிக்கையாளர்களுக்கு பல மலிவு விலை ரீசார்ஜ் திட்டங்களை வழங்குகிறது. தனியார் டெலிகாம் நிறுவனங்களான ஜியோ, ஏர்டெல், வோடபோன் ஐடியா நிறுவனங்கள் விலையை உயர்த்தியுள்ள நிலையில், பிஎஸ்என்எல் பழைய விலையிலேயே தனது சேவையைத் தொடர்கிறது.
பிஎஸ்என்எல் நிறுவனத்தின் இந்த விலை உயர்த்தாமல், லாபம் காணும் உத்தியின் காரணமாக, வாடிக்கையாளர்களின் எண்ணிக்கை கணிசமாக அதிகரித்துள்ளது. அத்துடன், கடந்த ஜூலை மாதம் முதல் பலர் தங்களுடைய பிற நிறுவனங்களின் மொபைல் எண்களை BSNL க்கு போர்ட் செய்கிறார்கள்.
பிஎஸ்என்எல்க்கு அதிகரித்த மவுசு
மற்ற தொலைத்தொடர்பு நிறுவனங்கள் விலைகளை உயர்த்தியிருந்தாலும் பிஎஸ்என்எல் நிறுவனம் விலை உயர்த்தாததால் மக்களிடையே பிரபலமாகிறது. இதைப் பயன்படுத்திக் கொள்ளும் பிஎஸ்என்எல் அனைத்து வாடிக்கையாளர்களின் தேவைகளையும் பூர்த்தி செய்யும் வகையில் நீண்ட காலம் செல்லுபடியாகும் விலை மலிவான திட்டங்களையும், விலை அதிகமான திட்டங்களையும் வழங்குகிறது.
அந்த வகையில், 70 நாட்களுக்கு ஒரு சிறப்புத் திட்டத்தைக் கொண்டுள்ள பிஎஸ்என்எல், இந்தத் திட்டத்தை மிகவும் மலிவான விலையில் வைத்துள்ளது. ஆனால், பல நல்ல அம்சங்களை கொண்டுள்ளது.
பிஎஸ்என்எல்லின் 70 நாள் ரீசார்ஜ் திட்டம்
பிஎஸ்என்எல் எப்போதும் வாடிக்கையாளர்களை கவரும் வகையில் புதிய ரீசார்ஜ் திட்டங்களை கொண்டு வருகிறது. இந்தத் திட்டங்களில் ஒன்று ₹ 197க்கானது, அதிகச் செலவின்றி தங்கள் சிம்மை நீண்ட காலம் செல்லுபடியாக்கும் இந்தத் திட்டத்தில் டேட்டா மற்றும் வரம்பற்ற அழைப்புகளை பயன்படுத்தலாம்.
இந்தத் திட்டத்தில் சில நிபந்தனைகள் உள்ளன. இந்த திட்டம் 70 நாட்களுக்கு என்ற வரம்புடன் இருந்தாலும், இலவச அழைப்பு மற்றும் டேட்டா 18 நாட்களுக்கு மட்டுமே கிடைக்கும். இந்த 18 நாட்களில் தினமும் 2ஜிபி டேட்டா மற்றும் 100 இலவச எஸ்எம்எஸ் கிடைக்கும். இந்தத் திட்டத்தின் சிறந்த அம்சம் அதன் நீண்ட செல்லுபடியாகும், 18 நாட்களுக்குப் பிறகு, உங்கள் எண் செயலில் இருக்கும். ஆனால், நீங்கள் கால் செய்ய முடியாது.