லோகேஷ் கனகராஜ் இயக்கத்தில் ரஜினி நடிக்கும் ‘கூலி’ படத்தில் ஸ்ருதி ஹாசன் நடிப்பதை அதிகாரபூர்வமாக படக்குழு அறிவித்திருக்கிறது.
லோகேஷ் கனகராஜ் இயக்கத்தில் ரஜினி நடிக்கும் படம் ‘கூலி’. இந்தப் படத்துக்கு அனிருத் இசையமைக்கிறார். கிரீஷ் கங்காதரன் ஒளிப்பதிவு செய்கிறார். சன்பிக்சர்ஸ் தயாரிக்கும் இப்படத்தின் படப்பிடிப்பு, பல்வேறு பகுதிகளில் விறுவிறுப்பாக நடைபெற்று வருகிறது. இந்த வாரம் முழுவதும் படத்தில் நடிக்க உள்ள நடிகர்களின் கதாபாத்திரங்கள் அறிவிக்கப்படும் என படக்குழு தெரிவித்திருந்தது.
அந்த வகையில் இப்படத்தில் மலையாள நடிகர் செளபின் சாஹிர் நடிக்கிறார் என்ற தகவலை படக்குழு வெளியிட்டிருந்தது. இத்திரைப்படத்தின் மூலம் தமிழில் அறிமுகமாகிறார் செளபின் சாஹிர். இதையும் தாண்டி படத்தில் வேறு எந்தெந்த நடிகர்கள் நடிக்கிறார்கள் என்ற தகவலைத் தயாரிப்பு நிறுவனம் வெளியிட்டுக் கொண்டே வருகிறது.
Kicked to have @shrutihaasan joining the cast of #Coolie as #Preethi
Welcome on board @rajinikanth sir @anirudhofficial @anbariv @girishganges @philoedit @Dir_Chandhru @sunpictures @PraveenRaja_Off pic.twitter.com/nYgZIFCJcK
— Lokesh Kanagaraj (@Dir_Lokesh) August 30, 2024
அதன்படி நேற்றைய தினம் நடிகர் நாகர்ஜூனா நடிக்கவிருக்கிறார் என்ற அதிகாரபூர்வ தகவல் வெளியானது. இந்நிலையில் இன்றைய தினம் நடிகை ஸ்ருதி ஹாசன் `கூலி’ படத்தில் நடிக்க இருப்பதை படக்குழு அதிகாரபூர்வமாக வெளியிட்டிருக்கிறது. இந்தப் படத்தில் ப்ரீத்தி என்ற கதாபாத்திரத்தில் ஸ்ருதி ஹாசன் நடிப்பதாக படக்குழு அறிவித்திருக்கிறது. பலரும் ஸ்ருதி ஹாசனுக்கு வாழ்த்துகளைத் தெரிவித்து வருகின்றனர்.