சின்னத்திரை உலகின் லேட்டஸ்ட் அப்டேடஸ் இதோ!
சின்னத்திரை நடிகை ஏகவள்ளி. இவர் நடிகை யமுனா ராஜேந்திரனின் சகோதரி. இவருக்கும் சின்னத்திரை நடிகர் பெரோஸ்கான் என்பவருக்கும் சமீபத்தில் திருமணம் நடைபெற்றது. பெரோஸ்கான் சன் டிவியில் ஒளிபரப்பான `பூவா தலையா’ தொடரில் நடித்திருந்தார்.
இந்நிலையில் ஏகவள்ளி அவருடைய இன்ஸ்டாகிராம் பக்கத்தில் `ஐ ஃபீல் கம்ப்ளீட்’ என்கிற கேப்ஷனுடன் தான் கர்ப்பமாக இருக்கும் புகைப்படத்தை பகிர்ந்திருக்கிறார். இந்நிலையில் பெரோஸ்கான் – ஏகவள்ளி தம்பதிக்கு சின்னத்திரை ரசிகர்கள், நண்பர்கள் எனப் பலரும் வாழ்த்துகள் தெரிவித்து வருகின்றனர்.
சன் டிவியில் மிகுந்த வரவேற்பைப் பெற்ற தொடர்களுள் `மெட்டி ஒலி’ தொடருக்கென தனியொரு ரசிகர்கள் பட்டாளமே இருக்கின்றது. இந்தத் தொடரின் இரண்டாம் பாகம் விரைவில் வெளியாகவிருக்கிறது என்கிற தகவல் சில மாதங்களாகவே சமூக வலைதளப் பக்கங்களில் வைரலாகப் பரவி வருகிறது.
இந்நிலையில் `மெட்டி ஒலி’ தொடரின் இரண்டாம் பாகத்திற்கான ஷூட் விரைவில் நடைபெறவிருப்பதாகத் தகவல்கள் வெளியாகியுள்ளன. இந்தத் தொடரை இயக்குனர் திருமுருகன் டைரக்ட் பண்ணவில்லையாம். அவருடன் மெட்டி ஒலி தொடரில் அசிஸ்டென்ட் டைரக்டர் ஆகப் பணிபுரிந்தவர் தான் இந்த இரண்டாவது பாகத்தை இயக்கவிருப்பதாகத் தெரிகிறது. அதே போல, `மெட்டி ஒலி’ தொடரின் முதல் பாகத்தில் நடித்திருந்த நடிகர்களுள் சிலர் இரண்டாம் பாகத்திலும் நடிக்கவிருக்கிறார்களாம்!
ஜீ தமிழில் `சமையல் Express’ என்கிற புது நிகழ்ச்சி வருகிற செப்டம்பர் 15ஆம் தேதி முதல் ஒளிபரப்பாக இருக்கிறது. இந்த நிகழ்ச்சியில் நடிகை சீதாவும், கிருஷ்ணா மெக்கன்சியும் இணைந்து சமைக்கும் இந்த சமையல் நிகழ்ச்சி ரசிகர்கள் மத்தியில் மிகுந்த எதிர்பார்ப்பை ஏற்படுத்தியிருக்கிறது.
சின்னத்திரை நடிகர்கள் மத்தியில் நடிகையாகப் பரிச்சயமானவர் ஆயிஷா. கடந்த பிக்பாஸ் சீசனில் பிக்பாஸ் போட்டியாளராகவும் இவர் பங்கேற்றிருந்தார். தற்போது விஜய் ஹாட்ஸ்டார் வெப்சீரிஸில் ஒளிபரப்பாகிக் கொண்டிருக்கும் `உப்பு புளி காரம்’ வெப் சீரிஸிலும் இவர் நடித்துக் கொண்டிருக்கிறார். இந்நிலையில் இந்த சமையல் நிகழ்ச்சியின் மூலம் தொகுப்பாளினியாகவும் அறிமுகமாக இருக்கிறார். வாழ்த்துகள் ஆயிஷா!