அரசியலில் அடியெடுத்து வைத்திருக்கும் நடிகர் விஜய்யின் 69-வது திரைப்படத்தை, ‘சதுரங்க வேட்டை’, ‘தீரன் அதிகாரம்’, ‘நேர்கொண்ட பார்வை’, ‘வலிமை’ ஆகிய படங்களை இயக்கிய அ.வினோத் இயக்குகிறார்.
சில வாரங்களுக்கு முன்பு விருது விழா ஒன்றில் பேசிய வினோத், விஜய் படத்தை இயக்குவதை உறுதி செய்து, ‘இது எல்லாருக்கும் பிடிக்கும்படியான விஜய் படமாக இருக்கும்’ எனக் கூறியிருந்தார். அதிலிருந்து விஜய் ரசிகர்களிடையே படம் குறித்த அதிகாரபூர்வ அப்டேட்டின் எதிர்பார்ப்புகள் எகிறின. அதுவும் அரசியல் பிரவேசத்தை ஆரம்பித்திருக்கும் விஜய்யின் கடைசிப் படம் என்று கூறப்படுவதால், ரசிகர்கள் ‘One last time’ என கொண்டாட்டத்திற்குத் தயாராகியிருக்கின்றனர்.
‘KVN Productions’ என்கிற கன்னட திரையுலகைச் சேர்ந்த தயாரிப்பு நிறுவனம் இப்படத்தைத் தயாரிக்கிறது. ‘ஆர்.ஆர்.ஆர்’, ‘அனிமல்’, ‘சீதா ராமம்’, ‘கல்கி’ போன்ற பிரபல திரைப்படங்களின் கன்னட விநியோக உரிமையை வாங்கி வெளியிட்டிருக்கும் இத்தயாரிப்பு நிறுவனம், தற்போது ‘கே.ஜி.எஃப்’ நடிகர் யஷ் நடிக்கும் ‘டாக்ஸிக்’ படத்தைத் தயாரித்து வருகிறது.
இந்நிலையில் நேற்று விஜய்யின் 69-வது திரைப்படம் குறித்த முன்னோட்ட அறிவிப்புக் காணொலி ஒன்றை தயாரிப்பு நிறுவனம் வெளியிட்டிருந்தது. அதில், ‘One last time’ என்று குறிப்பிட்டு விஜய் ரசிகர்களின் நெகிழ்ச்சியான கருத்துகளையும், உருக்கமான பேச்சுகளையும் வெளியிட்டு, படம் குறித்த அறிவிப்பை நாளை (இன்று) அறிவிப்பதாக சஸ்பென்ஸ் வைத்து முடித்தது, தயாரிப்பு நிறுவனம்.
We are beyond proud & excited to announce that our first Tamil film is #Thalapathy69, directed by the visionary #HVinoth, with music by the sensational Rockstar @anirudhofficial
Super happy to collaborate with the one and only #Thalapathy @actorvijay ♥️
The torch bearer of… pic.twitter.com/Q2lEq7Lhfa
— KVN Productions (@KvnProductions) September 14, 2024
இந்த நிலையில், தற்போது விஜய்யின் 69-வது திரைப்படத்தின் அறிவிப்பு வீடியோ வெளியாகியிருக்கிறது! விருது விழா ஒன்றில் இயக்குநர் அ.வினோத், “இது எல்லாருக்கும் பிடிக்கும்படியான விஜய் படமாக இருக்கும்” என்று கூறியிருந்தார். ஆனால், ஜனநாயகத்திற்கான தீப்பந்தத்தை ஏற்றுவதாக ‘The torch bearer of Democracy is arriving’ என்ற வரிகளுடன் ‘தளபதி 69’ போஸ்டர் வெளியாகியிருக்கிறது. இதனால், இது விஜய்யின் அரசியல் பாதைக்கு தீப்பந்தத்தை ஏந்தி அரசியல் தீப்பொறியைக் கிளப்பும் திரைப்படமாக இருக்கும் என்று ரசிகர்களிடையே எதிர்பார்ப்பு எழுந்துள்ளது. ‘கத்தி’, ‘மாஸ்டர்’, ‘பீஸ்ட்’, ‘லியோ’ படத்தைத் தொடர்ந்து விஜய்யின் கடைசிப் படமான இப்படத்திற்கும் அனிருத் இசையமைக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…