நடிகர் விமல் நடிப்பில் வெளியாக இருக்கும் திரைப்படம் ‘சார்’.
இப்படத்தை போஸ் வெங்கட் இயக்க வெற்றிமாறன் தயாரித்திருக்கிறார் விமல் உடன் இணைந்து சரவணன், விஜய் முருகன், ஜெயபாலன், ராமா உள்ளிட்ட சிலர் நடித்திருக்கின்றனர். சாயா கண்ணன் கதாநாயகியாக நடித்திருக்கிறார். இப்படத்தின் டிரைலர் வெளியாகி இருக்கிறது. இந்த டிரைலர் வெளியீட்டு விழாவில் கலந்துகொண்டு பேசிய இயக்குநர் வெற்றிமாறன், ” இந்தப் படத்தில் நான் இணைந்திருப்பதால் படம் மக்களை சென்றடைந்துவிடும் என்று சொல்கிறார்கள். ஆனால் அப்படி எதுவும் இல்லை. படம் நன்றாக இருந்தால் எல்லோரிடமும் கண்டிப்பாகச் சென்றடையும்.
எனக்கு ஏற்புடைய படத்தில் என்னுடைய பெயர் இடம்பெற்றிருப்பது மிகவும் சந்தோசம். இன்றைய சூழலுக்கு ஏற்றவாறு படத்தின் கதைகள் இருந்தால் தயாரிக்க ஒத்துக்கொள்வேன். இந்தப் படத்தில் நான் எதுவும் பண்ணவில்லை. படக்குழுவினரே அனைத்தையும் பார்த்துக்கொண்டனர். அதனால் அவர்கள் அனைவருக்கும் நன்றி. ‘சார்’ என்ற பெயர் இந்தப் படத்திற்கு மிகவும் பொருத்தமாக இருக்கிறது. இது ஒரு ஆசிரியரின் கமிட்மென்ட் பற்றிய படம். 3 தலைமுறை ஆசிரியர்களின் கதை இப்படத்தில் உள்ளடங்கி இருக்கிறது. அரசுப் பள்ளியில் ஆசிரியராக இருந்தால் என்ன மாதிரியான சாவல்களைச் சந்திக்க வேண்டும் என்பது குறித்து இந்தப் படம் பேசுகிறது.
எல்லோருமே நன்றாக நடித்திருக்கிறார்கள். இந்தப் படத்தை பொறுத்தவரை நாம் ஏதோ ஒன்றை விவாதித்து அடுத்த கட்டத்திற்கு அந்த விவாதத்தை எடுத்துச் செல்லக்கூடிய ஒரு படமாக ‘சார்’ இருக்கும் என்ற நம்பிக்கை எனக்கு இருக்கிறது. போஸ் வெங்கட், நான் படத்தின் வேளையில் இருக்கும்போது என்னை வந்து சந்தித்து ஒரு படம் இருக்கிறது சார் என்று சொன்னார். கதையை சொன்ன பிறகு சில விஷயங்களை மாற்றுங்கள் என்று கூறினேன்.
அவரும் ஓகே என்று கூறி அதனை மாற்றினார். கடைசியாக படம் சிறப்பாக வர அத்தனை முயற்சிகளையும் அவர்தான் மேற்கொண்டார். இந்தப் படத்தின் எல்லா க்ரெடிட்ஸும் அவருக்குத்தான். அந்தப் படத்திற்கு சப்போர்ட் செய்த அனைவருக்கும் அந்த க்ரெடிட்ஸை அவர் பகிர்ந்துகொடுப்பார். கொடுக்கப்பட்ட நாளுக்குள் நேர்த்தியாக படத்தை எடுத்திருக்கிறார். திரும்பவும் சொல்கிறேன் என்னுடைய பெயரை அந்தப் படத்தில் நீங்கள் சேர்த்துக்கொண்டதற்கு நன்றி” என்று அனைவருக்கும் வாழ்த்துக்களைத் தெரிவித்திருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…