ஆந்திரா,
ஆந்திரா துணை முதல்-மந்திரி பவன் கல்யாண் தனது எக்ஸ் வலைதளத்தில் கூறியிருப்பதாவது:-
ஏழுகொண்டலவாடா..! மன்னிக்கவும்…
புனிதமாக கருதப்படும் திருமலை லட்டு பிரசாதம்… கடந்த ஆட்சியாளர்களின் கேடுகெட்ட போக்கின் விளைவாக தூய்மையற்றதாகிவிட்டது. விலங்கு எச்சங்களால் மாசுபட்டது. திறந்த மனங்கள் மட்டுமே இத்தகைய பாவத்திற்கு அடிபணிய முடியும். இந்தப் பாவத்தை ஆரம்பத்திலேயே கண்டு பிடிக்க முடியாமல் போனது இந்து இனத்தின் மீதான கறை.
லட்டு பிரசாதத்தில் மிருக எச்சங்கள் இருந்ததை அறிந்த நொடியில் மனம் உடைந்தது. குற்ற உணர்வு மேலோங்கியது. மக்கள் நலனுக்காகப் போராடி வரும் நான், இதுபோன்ற பிரச்னைகள் ஆரம்பத்தில் என் கவனத்துக்கு வராதது வேதனை அளிக்கிறது. கலியுகத்தின் கடவுளான பாலாஜிக்கு இழைக்கப்பட்ட இந்த பயங்கரமான அநீதிக்கு சனாதன தர்மத்தில் நம்பிக்கை உள்ள அனைவரும் பிராயச்சித்தம் செய்ய வேண்டும். அதன் ஒரு பகுதியாக நான் ஒரு தவம் செய்ய முடிவு செய்தேன்.
செப்டம்பர் 22, 2024 அன்று, ஞாயிற்றுக்கிழமை காலை, குண்டூர் மாவட்டம், நம்பூரில் உள்ள ஸ்ரீ தசாவதார வெங்கடேஸ்வர சுவாமி கோவிலில் நான் பரிகார விரத தீட்சை எடுப்பேன். 11 நாட்கள் பரிகார விரத தீட்சை தொடர்ந்த பிறகு திருமலை ஸ்ரீ வெங்கடேஸ்வர சுவாமியை தரிசிக்கிறேன். ‘கடவுளே… கடந்த ஆட்சியாளர்கள் உமக்கு எதிராக செய்த பாவங்களைக் கழுவும் சக்தியை எனக்குக் கொடுங்கள்’ என்று மன்றாடுகிறேன்.
கடவுள் நம்பிக்கையும், பாவ பயமும் இல்லாதவர்களே இதுபோன்ற குற்றங்களில் ஈடுபடுகிறார்கள். திருமலை திருப்பதி தேவஸ்தான அமைப்பில் அங்கம் வகிக்கும் நிர்வாகக் குழு உறுப்பினர்களும், ஊழியர்களும் கூட அங்குள்ள தவறுகளை கண்டு பிடிக்க முடியாமல், கண்டு பிடித்தாலும் பேசுவதில்லை என்பதுதான் என் வேதனை. அன்றைய பேய் ஆட்சியாளர்களுக்கு அவர்கள் பயந்ததாகத் தெரிகிறது.
வைகுண்ட தாம் என்று கருதப்படும் திருமலையின் புனிதம், கற்பித்தல், சமயக் கடமைகளை இழிவுபடுத்தும் செயல்களைச் செய்த கடந்த ஆட்சியாளர்களின் நடத்தை இந்து தர்மத்தைப் பின்பற்றும் அனைவரையும் காயப்படுத்தியுள்ளது. மேலும் லட்டு பிரசாதம் தயாரிப்பில் விலங்கு எச்சங்கள் அடங்கிய நெய் பயன்படுத்தப்பட்டது பெரும் பரபரப்பை ஏற்படுத்தியது. தர்மத்தை மீட்டெடுக்க நடவடிக்கை எடுக்க வேண்டிய நேரம் வந்துவிட்டது.
இவ்வாறு அதில் தெரிவிக்கப்பட்டுள்ளது.