நெல்லை: 3 பேர் சாதிய படுகொலை செய்யப்பட்ட வழக்கு; 4 பேருக்கு மரண தண்டனை!
சங்கரன்கோவில் அருகே சாதிய முன்விரோதம் காரணமாக, கடந்த 2014ம் ஆண்டு 3 பேர் வெட்டிப் படுகொலை செய்யப்பட்ட வழக்கில் 4 பேருக்கு தூக்குத் தண்டனையும், 7 பேருக்கு ஆயுள் தண்டனையும் விதித்து, திருநெல்வேலி வன்கொடுமை தடுப்பு சிறப்பு நீதிமன்றம் உத்தரவிட்டுள்ளது. தென்காசி மாவட்டம், சங்கரன்கோவில், திருவேங்கடம் அருகில் உள்ள கிராமம் உடப்பன் குளம். இங்கு கடந்த 2014ஆம் ஆண்டு புத்தாண்டுக் கொண்டாட்டத்தின்போது, ஒரு சமூகத்தினர், மற்றொரு சமூகத்தினர் வசிக்கும் பகுதியில் பட்டாசு வெடித்து கொண்டாடியதால் பிரச்னை ஏற்பட்டுள்ளது. குற்றம் இந்த பிரச்னையால் இரு சமூகத்தினரிடையே ஏற்பட்ட முன்விரோதம் நீறு பூத்த நெருப்பாக கனன்று கொண்டிருந்திருக்கிறது. இந்த நிலையில் 2014, மே மாதத்தில் நடைபெற்ற ஒரு விசேஷத்தில் பங்கேற்பதற்காக கோயமுத்தூர் மாவட்டம், துடியலூரைச் சேர்ந்த வேணுகோபால் (42) மற்றும் முருகன் (40) ஆகியோர் உடப்பன் குளம் வந்திருந்தனர். நிகழ்ச்சி முடிந்து அவர்கள் கிளம்பும்போது, அவர்களை வழியனுப்ப வந்த உடப்பன்குளத்தைச் சேர்ந்த காளிராஜ் (45) என்பவர், அவர்கள் இருவரையும் தனது பைக்கில் ஏற்றிக் கொண்டு சங்கரன்கோவிலை நோக்கிச் சென்றுள்ளார். அப்போது வடமன்குளம் பகுதிய ல் இவர்களை வழிமறித்த … Read more
