’எதிர் நீச்சல்’ சீரியலில் ஜனனி கேரக்டரில் நடித்து வந்தவர் மதுமிதா.
கர்நாடகாவைச் சேர்ந்த இவர், ஆரம்பத்தில் கன்னடத்தில் சில சீரியல்கள், சினிமாக்களில் நடித்த போதும் பெரிதாகக் கவனம் பெறாமல் இருந்தார். தெலுங்கு சீரியல் ஒன்றில் கமிட் ஆகி அந்த சீரியல் ஹட்டானது மூலம் பிரபலமானார். தமிழில் இவர் நடிக்கும் இரண்டாவது சீரியல் ’எதிர்நீச்சல்‘. மறைந்த நடிகர் மாரிமுத்து மூலம் இந்த சீரியல் நல்ல வரவேற்ப்பைப் பெற, மதுமிதாவும் ஜனனியாக தமிழ் சீரியல் ரசிகர்கள் மத்தியில் நல்ல கவனம் பெற்றார். சீரியலில் நடித்துக் கொண்டிருக்கும்போதே திரைப்படங்கள், சினிமா வெப் சீரிஸ் வாய்ப்புகள் இவருக்கு வந்ததாகக் கூறப்படுகிறது.
இந்நிலையில், ‘எதிர் நீச்சல்’ சீரியலிலிருந்து விலகுவதாக தனது இன்ஸ்டாகிராம் பக்கத்தில் அறிவித்திருக்கிறார் மதுமிதா. இதுகுறித்த அவரது இன்ஸ்டாகிராம் பதிவில், “புதிய அத்தியாயத்தில் நான் காலடி எடுத்து வைக்கப்போகிறேன். ‘எதிர் நீச்சல்’ சீரியலின் 2வது பாகத்தில் நான் நடிக்கப்போவதில்லை. பல்வேறு காரணங்களால் அதிலிருந்து நான் விலகுகிறேன். இதுவரை எனக்கு அன்பும், ஆதரவும் அளித்துவந்த அனைவருக்கும் எனது மனமார்ந்த நன்றிகளைத் தெரிவித்துக் கொள்கிறேன். நான் அடுத்த ஒரு புதிய கட்டத்தில் அடியெடுத்து வைக்கப்போகிறேன். அதற்கும் இதே அன்பையும், ஆதரவையும் எனக்கு நீங்கள் தரவேண்டும் என்று மிகுந்த அன்புடன் கேட்டுக் கொள்கிறேன்” என்று பதிவிட்டிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…