நடிகர் சூர்யா நடிப்பில் பிரமாண்டமாக உருவாகியிருக்கிறது கங்குவா திரைப்படம். இதன் தயாரிப்பாளர் ஞானவேல் ராஜா இந்த திரைப்பட முந்தைய தமிழ் சினிமா வசூல் சாதனைகளை முறியடிக்கும் என்றுக் கூறியிருக்கிறார்.
சிறுத்தை, வீரம், அண்ணாத்த உள்ளிட்ட படங்களை இயக்கிய சிறுத்தை சிவா இந்த திரைப்படத்தை இயக்கியுள்ளார்.
சிறுத்தை சிவா நடிகர் அஜித்தின் விருப்பமான இயக்குநராக திகழ்கிறார். வீரம், விவேகம், விஸ்வாசம் என அஜித் – சிவா கூட்டணியில் சூப்பர் ஹிட் படங்கள் வெளியாகியிருக்கின்றன.
கங்குவா திரைப்படத்தின் புரோமோஷனில் இறங்கியிருக்கிறது படக்குழு. சமீபத்தில் புரோமோஷன் நிகழ்ச்சி ஒன்றில் கலந்துகொண்ட சூர்யா, நடிகர் அஜித்துடனான சந்திப்புக் குறித்துப் பேசினார்.
“நான் சமீபத்தில் அஜித் சாரை சந்தித்தேன். அவர் என்னிடம், ‘இப்ப தெரியுதா நான் ஏன் சிவா சாரை விடலைன்னு’ என்று கூறினார். நீங்கள் ஒருமுறை சிவாவுடன் பணியாற்றினால், அவர் வேறொரு நடிகருடன் வேலை செய்வதைப் பார்க்க பொறாமைபடுவீர்கள். அந்த அளவு படப்பிடிப்பு நிறைவாக இருக்கும்.” என்று பேசினார் சூர்யா.
கங்குவா திரைப்படம் வரும் நவம்பர் மாதம் 14-ம் தேதி வெளியாகவிருக்கிறது. பான் இந்தியா அளவில் இந்த படத்தை எடுத்துச் செல்ல முயற்சிகளை மேற்கொண்டு வருகிறது படக்குழு.
பாலிவுட் நடிகையான திஷா பட்டானி இதில் சூர்யாவுக்கு ஜோடியாக நடித்துள்ளார். பாலிவுட் நடிகர் பாபி தியோல் முக்கிய கதாப்பாத்திரத்தில் நடித்துள்ளார். நட்டி (எ) நட்ராஜன், ரெட்டின் கிங்ஸ்லி, யோகி பாபு முக்கிய கதாப்பாத்திரத்தில் நடித்துள்ளார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…