புரோ கபடி லீக்: உ.பி.யோத்தாஸ் அணியை வீழ்த்தி யு மும்பா வெற்றி

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதல் கட்ட லீக் ஆட்டங்கள் நேற்று வரை ஐதராபாத்தில் நடைபெற்றது. இந்த நிலையில் இரண்டாம் கட்ட லீக் ஆட்டங்கள் இன்று நொய்டாவில் தொடங்கியது.

இதில் இன்று நடைபெற்ற முதல் லீக் ஆட்டத்தில் உ.பி.யோத்தாஸ் – யு மும்பா அணிகள் மோதின. விறுவிறுப்பாக நடைபெற்ற இந்த ஆட்டத்தில் யு மும்பா அணி 35-33 என்ற புள்ளி கணக்கில் உ.பி.யோத்தாஸ் அணியை வீழ்த்தி வெற்றி பெற்றது. தொடர்ந்து நடைபெறும் மற்றொரு ஆட்டத்தில் குஜராத் ஜெயண்ட்ஸ் – அரியானா ஸ்டீலர்ஸ் அணிகள் மோதி வருகின்றன.