பெங்களூரைச் சேர்ந்த 34 வயது பெண் ஒருவர் யோகா மாஸ்டராக பணியாற்றி வருகிறார். இவரது யோகா வகுப்பிற்கு வரும் சதீஷ் ரெட்டி என்ற டிடெக்டிவ் ஏஜென்சி உரிமையாளர், வகுப்பிற்கு வந்த சில நாட்களிலேயே யோகா மாஸ்டரான அந்தப் பெண்ணிடம் துப்பாக்கி சுடுவதற்கு (riffle shooting) சொல்லித் தருவதாகக் கூறியுள்ளார்.
இதற்கு அந்தப் பெண் சம்மதம் தெரிவித்த நிலையில் காரில் அழைக்க வந்துள்ளார் சதீஷ் ரெட்டி. காரில் மேலும் 3 நபர்கள் இருப்பதைக் கண்டு சந்தேகித்த அவர் இது குறித்து பயணத்தின் போதே பேசத் தொடங்கியுள்ளார்.
இதில் ஆத்திரம் அடைந்த சதீஷ் ரெட்டி துப்பாக்கி முனையில் அவரை மிரட்டியுள்ளார். அந்தக் காரிலிருந்த சதீஷ் ரெட்டியின் மனைவி பிந்து தனது கணவருடன் தவறான தொடர்பில் இருப்பதாகச் சந்தேகப்பட்டு அவரைத் தாக்கியுள்ளார்.
தாக்குதலில் நினைவிழந்த அந்த பெண்ணை, அருகிலிருந்த காட்டிற்குள் எடுத்துச் சென்று அவரைப் புதைத்துவிட்டு அங்கிருந்து சென்றுள்ளனர். ஆனால் அந்த பெண், தான் மரணமடைய வில்லை. யோகா திறமையைப் பயன்படுத்தி மரணித்தது போல நடித்ததாகக் கூறுகிறார்.
அவர்கள் சென்றதை அறிந்த அந்தப் பெண் அங்கிருந்து தப்பித்து 3 கி.மீ நடந்த சென்று வெங்கடேஷ் என்பவரின் வீட்டை அடைந்துள்ளார். அங்கு அவருக்கு முதலுதவி செய்யப்பட்டதுடன், போலீஸாருக்கு விஷயம் தெரிவிக்கப்பட்டுள்ளது. சதீஷ் ரெட்டி, அவரது மனைவி பிந்து, மேலும் 3 நபர்கள் அந்தப் பெண்ணின் வாக்குமூலத்தின் பேரில் நவம்பர் 6 சிக்காபல்லாப்பூர் போலீஸால் கைது செய்யப்பட்டுள்ளனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/3PaAEiY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3PaAEiY