மகாராஷ்டிரா சட்டமன்ற தேர்தல் பிரசாரம் சூடுபிடித்திருக்கிறது. இத்தேர்தல் பிரசாரம் நாளை முடிகிறது. அரசியல் கட்சி தலைவர்கள் பம்பரமாக சுழன்று பிரசாரத்தில் ஈடுபட்டுள்ளனர். காங்கிரஸ் தலைவர்கள் பிரியங்கா காந்தி, ராகுல் காந்தி ஆகியோர் மராத்வாடா மற்றும் விதர்பாவில் பிரசாரத்தில் ஈடுபட்டுள்ளனர்.
பிரியங்கா காந்தி நேற்று ஷீரடி சாய்பாபா கோயிலில் வழிபட்டுவிட்டு அங்கு பிரசாரத்தில் ஈடுபட்டார். இத்தேர்தலில் சரத்பவார் குடும்பத்தில் இருந்து இரண்டு பேர் பாராமதி தொகுதியில் போட்டியிடுகின்றனர்.
அஜித் பவார் தேசியவாத காங்கிரஸ் கட்சியை உடைத்த காரணத்தால் அவரை எப்படியும் தோற்கடிக்க வேண்டும் என்ற வெறியோடு சரத்பவார் தேர்தல் பணியாற்றி வருகிறார். சரத்பவார் மற்ற தொகுதிகளில் பிரசாரம் செய்யவேண்டியிருப்பதால் பாராமதியில் போட்டியிடும் தனது கட்சி வேட்பாளர் யுகேந்திர பவாருக்கு ஆதரவாக பிரசாரத்தில் தனது மனைவியையும் இறக்கி விட்டிருக்கிறார்.
சரத்பவார் மனைவி பிரதிபா பவார் வழக்கமாக அரசியலில் இருந்து ஒதுங்கியே இருப்பார். ஆனால் முதல் முறையாக இம்முறை தேர்தல் பிரசாரத்தில் ஈடுபட்டிருக்கிறார். தனது கனவரின் ஆசையை நிறைவேற்றுவதற்காக அஜித்பவாரை தோற்கடிக்க அவர் இப்போது தேர்தல் பிரசாரத்தில் ஈடுபட்டுள்ளார். சரத்பவார் மனைவி மட்டுமல்லாது, அவரது மகள் சுப்ரியா சுலே, பேத்தி ரேவதியும் தேர்தல் பிரசாரத்தில் ஈடுபட்டுள்ளார். தனது ஒட்டுமொத்த குடும்பத்தையும் பாராமதி தேர்தல் பிரசாரத்தில் சரத்பவார் ஈடுபடுத்தி இருக்கிறார்.
இது குறித்து அஜித்பவார் கூறுகையில், 1991ம் ஆண்டில் இருந்து நீங்கள் என்னை எம்.எல்.ஏ.வாக தேர்ந்தெடுக்கிறீர்கள். எப்போதாவது பிரதிபா பவார் தேர்தல் பிரசாரத்திற்கு வந்திருப்பதை பார்த்திருக்கிறீர்களா என்று கேள்வி எழுப்பினார். இக்குற்றச்சாட்டு குறித்து சரத்பவாரிடம் நிருபர்கள் கேட்டதற்கு, இதற்கு பல முறை எனது மனைவி தேர்தல் பிரசாரத்தில் கலந்து கொண்டிருக்கிறார் என்றார்.
மகாராஷ்டிரா தேர்தல் யுத்தத்தில் பாராமதியில் கடுமையான போட்டி நிலவுகிறது. பாராமதி சரத்பவாரின் கோட்டையாக இருந்து வருகிறது. அக்கோட்டையை சரத்பவாரிடமிருந்து பறிக்க அஜித்பவார் இம்முறை பா.ஜ.கவோடு கூட்டணி அமைத்து தேர்தலில் போட்டியிடுகிறார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/2b963ppb
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb