ஆர்.ஜே.பாலாஜி நடிப்பில் ‘சொர்க்கவாசல்’ எனும் திரைப்படம் வருகிற நவம்பர் 29 ஆம் தேதி வெளியாகவிருக்கிறது.
இந்தப் படத்துக்கான ட்ரெய்ல் வெளியீட்டு நிகழ்வில், ‘யாரையும் டார்கெட் வச்சு அடிக்காதீங்க’ என ஆர்.ஜே.பாலாஜி ரசிர்களுக்கு வேண்டுகோள் வைத்திருக்கிறார். ஆர்.ஜே.பாலாஜி பேசுகையில், ‘இந்தப் படத்தை நான் இப்போது வரை முழுமையாக பார்க்கவில்லை. ஏனெனில், எனக்கு இந்தக் குழுவின் மீது முழுமையாக நம்பிக்கையிருக்கிறது. என்னை அவர்கள் வேறொரு பரிணமாத்தில் காட்டியிருக்கிறார்கள். ஒரு படம் நன்றாக இருந்தால் தானாகவே மக்கள் அதற்கு வரவேற்பைக் கொடுப்பார்கள்.
ஒரு பிஸ்கட் பாக்கெட்டை உற்பத்தி செய்கிறோம் என வைத்துக்கொள்ளுங்கள். அது கடைக்கு வந்தவுடன் அதை வாங்கி சாப்பிட்டுவிட்டு நன்றாக இருக்கிறது, மோசமாக இருக்கிறது என சொல்ல அனைவருக்கும் உரிமை இருக்கிறது. அதேமாதிரிதான் படங்களும். இந்தப் படத்தை ட்ரீம் வாரியர் நிறுவனம் வெளியிடுகிறது. எனக்காவெல்லாம் அவர்கள் வெளியிடவில்லை.
படம் நன்றாக இருப்பதால் வெளியிடுகிறார்கள். இணையத்தில் எஸ்.ஆர்.பிரபு மீதுள்ள கோபத்தையெல்லாம் ரசிகர்கள் என் மீது கொட்டுகிறார்கள் (நகைச்சுவையாக…) அரசியல் கட்சிகளுடைய ஐ.டி விங்குகள் வார வாரம் ரிலீஸ் ஆகும் படங்களை அடிப்பதை விட்டுவிட்டு அரசியல் வேலைகளை செய்யலாம்.
ரஜினி, கமல், விஜய், அஜித், சூர்யா என அத்தனை நடிகர்களின் ரசிகர்களும் எல்லா படத்தையும் பாருங்கள். பிடிக்காத விஷயங்களை சொல்லுங்கள். ஆனால், யாரையும் டார்கெட் வைத்து அடித்து உங்களின் எனர்ஜியை வீணாக்காதீர்கள்.’ என்றார்.
நீங்கள் விரும்பி படித்த தொடர்கள், இப்போது ஆடியோ வடிவில்… புத்தம் புதிய விகடன் ப்ளே… உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்…