இயக்குநர் வெற்றி மாறன் இயக்கத்தில் சூரி, விஜய் சேதுபதி உள்ளிட்டோர் நடிப்பில் உருவாகியுள்ள ‘விடுதலை பாகம் 2’ டிசம்பர் 20ஆம் தேதி திரையரங்குகளில் வெளியாகவிருக்கிறது.
கதை நாயகனாக… வாத்தியாராக விஜய் சேதுபதியும், கதாநாயகனாக போலீஸ் கான்ஸ்டபிள் கதாபாத்திரத்தில் சூரியும் நடித்திருக்கின்றனர். பிரகாஷ்ராஜ், சேத்தன், மூணார் ரமேஷ், பவானிஶ்ரீ, இளவரசு, பாலாஜி சக்திவேல், மஞ்சுவாரியர், கிஷோர், போஸ் வெங்கட் உள்ளிட்ட பலர் இப்படத்தில் நடித்திருக்கிறார்கள். இசைஞானி இளையராஜா இப்படத்திற்கு இசையமைத்திருக்கிறார். சமீபத்தில் இப்படத்தின் ‘தெனந் தெனமும்’ பாடல் வெளியாகி ரசிகர்களின் மனதைக் கவர்ந்தது.
இதையடுத்து இப்படத்தின் இசை மற்றும் டிரெய்லர் வெளியீட்டு விழா இன்று (நவம்பர் 26) சென்னையில் நடைபெறு வருகிறது. இந்நிலையில் தற்போது விடுதலை பாகம் 2 படத்தின் டிரெய்லர் வெளியாகியிருக்கிறது. வாத்தியார் விஜய் சேதுபதியின் முன்கதை மற்றும் சூரி அதிரடியாக விஜய் சேதுபதியை கைது செய்த பிறகு என்ன நடந்தது என்பதை மையப்படுத்தியதாக காட்சிகள் இடம்பெற்றிருக்கின்றன. களத்தில் மக்களுக்காகப் போராடும் விஜய் சேதுபதி – மஞ்சு வாரியர் இருவருக்குமான அழகிய காதல் காட்சிகளும் இடம்பெற்றிருக்கின்றன. ‘வன்முறை எங்க மொழி இல்லை. ஆனா எங்களுக்கு அந்த மொழியும் பேசத் தெரியும்’ மற்றும் ‘தத்துவம் இல்லா தலைவர்கள் ரசிகர்கள மட்டும்தான் உருவாக்குவாங்க…அது முன்னேற்றத்திற்கு வழி வகுக்காது..’ என்ற அழுத்தமான அரசியல் வசனங்களும் இந்த ட்ரெய்லரில் இடம்பெற்றிருக்கிறது.
நீங்கள் விரும்பி படித்த தொடர்கள், இப்போது ஆடியோ வடிவில்… புத்தம் புதிய விகடன் ப்ளே… உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்…
