சீருடைப் பணியாளர் தேர்வு வாரியத்தால் தேர்வு செய்யப்பட்ட 3359 பேருக்குப் பணி நியமன ஆணை வழங்கும் விழா இன்று நடைபெற்றது.
அதில் சீருடைப் பணியாளர்களுக்கு பணி நியமன ஆணைகள் வழங்கி முதலமைச்சர் ஸ்டாலின் உரையாற்றி இருக்கிறார் . “இன்ப, துன்பங்களை மறந்து ஊருக்காக பணியாற்றும் சீருடைப் பணியாளர்களை வரவேற்கிறேன். 165 ஆண்டுகள் பழைமையும் பெருமையும் மிக்கது தமிழ்நாடு காவல்துறை. காவலர்கள் போற்றக்கூடிய அரசாக திராவிட மாடல் அரசு உள்ளது. காவலர்களுக்கு பல நலத்திட்டங்களை நிறைவேற்றும் அரசாக உள்ளது. உலக அளவில் சிறந்த காவல்துறையாக தமிழ்நாடு காவல்துறை விளங்குகிறது.
காவல்துறையை மேம்படுத்த முதல்முறையாக காவல் ஆணையம் அமைத்தது திமுக அரசு. கடந்த 3 ஆண்டுகளில் காவலர்கள் முதல் டி.எஸ்.பி. வரை 17,000 போலீசார் நியமனம் செய்யப்பட்டுள்ளனர். ஸ்காட்லாந்து காவல்துறைக்கு இணையானது நம் தமிழக காவல்துறை. சைபர் குற்றங்கள், போதைப்பொருள், பெண்கள், குழந்தைகளுக்கு எதிரான குற்றங்கள்தான் நமக்கு சவாலாக உள்ளன.
குற்றங்கள் நடக்காமல் தடுப்பதே நமது இலக்கு. காவல்துறை என்பது மக்களிடம் நெருக்கமாக பழகக்கூடிய துறை. உங்கள் மீது பயம் இருக்கக்கூடாது. மரியாதைதான் இருக்கவேண்டும். சட்டம்தான் முக்கியம். பொதுமக்களை கனிவாக அணுகவேண்டும். குற்றவாளிகளைக் கண்டுபிடித்துவிட்டோம் என்பது சாதனை அல்ல.
குற்றங்கள் நடக்காமல் தடுப்பதே காவல்துறையினரின் சாதனை. புதிதாக பெறுப்பேற்று காக்கிச் சட்டை போடும் நீங்கள் அதற்கான உறுதியை நீங்கள் எடுத்துக்கொள்ளுங்கள். காவலர் என்ற மிடுக்கு ஓய்வுபெறும்வரை உங்களிடம் இருக்கவேண்டும்” என்று பேசியிருக்கிறார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs