புனே,
11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.
இந்நிலையில், இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு தொடங்கிய ஆட்டத்தில் ஜெய்ப்பூர் பிங்க் பாந்தர்ஸ் – தமிழ் தலைவாஸ் அணிகள் மோதின. தொடக்கம் முதலே பரபரப்பாக நடைபெற்ற இந்த ஆட்டத்தில் ஜெய்ப்பூர் பிங்க் பாந்தர்ஸ் அணி புள்ளிகள் எடுத்து ஆதிக்கம் செலுத்தியது.
இறுதியில் இந்த ஆட்டத்தில் 34-27 என்ற புள்ளிக்கணக்கில் தமிழ் தலைவாஸ் அணியை வீழ்த்தி ஜெய்ப்பூர் பிங்க் பாந்தர்ஸ் அசத்தல் வெற்றி பெற்றது. இதையடுத்து, இன்று நடைபெற்று வரும் மற்றொரு ஆட்டத்தில் யு மும்பா – உ .பி. யோத்தாஸ் அணிகள் ஆடி வருகின்றன.