புனே,
11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.
இந்நிலையில், இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு தொடங்கிய ஆட்டத்தில் தபாங் டெல்லி – பெங்கால் வாரியர்ஸ் அணிகள் மோதின. இந்த போட்டியில் தொடக்கம் முதலே ஆதிக்கம் செலுத்திய தபாங் டெல்லி அணி புள்ளிகளை குவித்தது.
இறுதியில் இந்த ஆட்டத்தில் 47-25 என்ற புள்ளிக்கணக்கில் பெங்கால் வாரியர்ஸை வீழ்த்தி தபாங் டெல்லி அபார வெற்றி பெற்றது. இந்த வெற்றியின் மூலம் தபாங் டெல்லி பிளே ஆப் சுற்றுக்கு முன்னேறியது. இந்த தொடரில் இன்று நடைபெற்று வரும் மற்றொரு ஆட்டத்தில் பாட்னா பைரேட்ஸ் – புனேரி பால்டன் அணிகள் ஆடி வருகின்றன.