பிரிஸ்பேன்,
சர்வதேச கிரிக்கெட்டில் இருந்து ரவிச்சந்திரன் அஸ்வின் ஓய்வு பெறுவதாக அறிவித்துள்ளார்.அஸ்வின் இந்திய அணிக்காக கடந்த 2010ம் ஆண்டு அறிமுகம் ஆனார். இவர் இதுவரை 106 டெஸ்ட், 116 ஒருநாள், 65 டி20 போட்டிகளில் ஆடி உள்ளார். இவர் சர்வதேச கிரிக்கெட்டில் ஒட்டு மொத்தமாக 765 விக்கெட்டுகள் வீழ்த்தி உள்ளார். ஓய்வு பெற்ற அஸ்வினுக்கு பல்வேறு தரப்பினரும் தங்களது வாழ்த்துகளையும், பாராட்டுகளையும் தெரிவித்து வருகின்றனர்.
இந்த நிலையில், அஸ்வின் ஓய்வு தொடர்பாக இந்திய அணியின் கேப்டன் ரோகித் சர்மா வெளியிட்டுள்ள பதிவில் ,
நாம் பல ஆண்டுகளாக ஒன்றாக விளையாடி, பல நினைவுகளை உருவாக்கினோம், அதை நான் என்றென்றும் போற்றுவேன். நீங்கள் முதல் போட்டியில் இருந்து மேட்ச் வின்னர் ஆனீர்கள். . நீங்கள் இந்திய கிரிக்கெட் மற்றும் உலக கிரிக்கெட்டின் உண்மையான ஜாம்பவான் .இந்த அணி உங்களை மிஸ் செய்யும் . உங்களுக்கும் உங்கள் அன்பான குடும்பத்துக்கும் இனி நடக்கப் போவது சிறப்பாக அமைய வாழ்த்துக்கள். என தெரிவித்துள்ளார் .