ஐ.எஸ்.எல். கால்பந்து: ஐதராபாத் அணியை வீழ்த்தி நார்த் ஈஸ்ட் யுனைடெட் அபார வெற்றி

கொச்சி,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்த தொடரில் ஐதராபாத்தில் இன்று நடைபெற்ற ஆட்டத்தில் ஐதராபாத் எப்.சி. – நார்த் ஈஸ்ட் யுனைடெட் அணிகள் மோதின.

விறுவிறுப்பாக நடைபெற்ற இந்த ஆட்டத்தில் ஐதராபாத் அணி சார்பில் எட்மில்சன் ஆட்டத்தின் 5 மற்றும் 12-வது நிமிடங்களில் என இரண்டு கோல்கள் அடித்தார். நார்த் ஈஸ்ட் யுனைடெட் அணி சார்பில் கில்லர்மோ ஆட்டத்தின் 18 மற்றும் 61-வது நிமிடங்களில் என இரண்டு கோல்கள் அடித்தார். லென்னி ரோட்ரிக்ஸ் 54-வது நிமிடத்திலும், அலாதீன் 73-வது நிமிடத்திலும், அலெக்ஸ் சாஜி 78-வது நிமிடத்திலும் தலா ஒரு கோல் அடித்தனர்.

இந்த நிலையில் ஆட்டநேர முடிவில் நார்த் ஈஸ்ட் யுனைடெட் அணி 5-2 என்ற கோல் கணக்கில் ஐதராபாத் அணியை வீழ்த்தி அபார வெற்றி பெற்றது.