Champions Trophy 2025 Schedule: சர்வதேச கிரிக்கெட் கவுன்சில் (ஐசிசி) இன்று சாம்பியன்ஸ் டிராபி 2025 போட்டிகளுக்கான அட்டவணையை வெளியிட்டுள்ளது. இந்த அட்டவணை எப்போது வெளியாகும் என்று ரசிகர்கள் ஆவலுடன் எதிர்பார்த்து காத்து கொண்டிருந்தனர். இந்திய அணி பாகிஸ்தான் செல்லுமா என்ற கேள்வி இருந்து வந்த நிலையில், ஹைபிரிட் மாடலில் போட்டிகள் நடைபெற உள்ளது. பாகிஸ்தானில் அனைத்து போட்டிகளும் நடைபெற உள்ள நிலையில், இந்தியா விளையாடும் போட்டிகள் மட்டும் துபாயில் நடைபெற உள்ளது. பிப்ரவரி 19-ம் தேதி கராச்சியில் பாகிஸ்தான் மற்றும் நியூசிலாந்து அணிகளுக்கு இடையேயான போட்டியுடன் சாம்பியன்ஸ் டிராபி 2025 தொடங்குகிறது.
பைனல் மார்ச் 9-ம் தேதி நடைபெறும் என்று தெரிவிக்கப்பட்டுள்ளது. இந்திய அணி பிப்ரவரி 20ம் தேதி வங்கதேசத்துக்கு எதிராக தனது முதல் போட்டியில் விளையாடுகிறது. மொத்தம் 8 அணிகள் பங்கேற்கும் இந்த தொடர் 2 குழுக்களாக பிரிக்கப்பட்டுள்ளன. ஏ பிரிவில் பாகிஸ்தான், இந்தியா, நியூசிலாந்து, பங்களாதேஷ் அணிகள் இடம் பெற்றுள்ளது. பி பிரிவில் தென் ஆப்பிரிக்கா, ஆஸ்திரேலியா, ஆப்கானிஸ்தான், இங்கிலாந்தும் அணிகள் பெற்றுள்ளன. அதிகம் எதிர்பார்க்கப்பட்ட இந்தியா மற்றும் பாகிஸ்தான் அணிகளுக்கு இடையேயான சாம்பியன்ஸ் டிராபி போட்டி பிப்ரவரி 23-ம் தேதி துபாயில் நடைபெறுகிறது.
8 அணிகள் பங்கேற்கும் சாம்பியன்ஸ் டிராபி தொடரில் மொத்தமாக 15 போட்டிகள் நடைபெற உள்ளது. பாகிஸ்தான் மற்றும் துபாயில் சாம்பியன்ஸ் டிராபி 2025 நடைபெறும் என்று ஐசிசி தெரிவித்துள்ளது. பாகிஸ்தானில் உள்ள ராவல்பிண்டி, லாகூர் மற்றும் கராச்சி ஆகிய மூன்று மைதானங்களில் அனைத்து போட்டிகளும் நடைபெற உள்ளது. லாகூர் மைதானத்தில் 2வது அரையிறுதி போட்டி நடைபெற உள்ளது. இறுதி போட்டிக்கு இந்தியா தகுதி பெற்றால் துபாயிலும், இல்லை என்றால் லாகூரில் நடைபெற திட்டமிடப்பட்டுள்ளது. அரையிறுதி மற்றும் இறுதிப் போட்டிகளுக்கு ரிசர்வ் நாட்கள் அறிவிக்கப்பட்டுள்ளது. இந்திய அணி விளையாடும் மூன்று குரூப் போட்டிகள் மற்றும் முதல் அரையிறுதி போட்டி துபாயில் நடைபெற உள்ளது.
குழுக்கள்:
குரூப் ஏ – பாகிஸ்தான், இந்தியா, நியூசிலாந்து, வங்கதேசம்
குரூப் பி – தென் ஆப்பிரிக்கா, ஆஸ்திரேலியா, ஆப்கானிஸ்தான், இங்கிலாந்து
சாம்பியன்ஸ் டிராபி அட்டவணை:
பிப்ரவரி 19, பாகிஸ்தான் v நியூசிலாந்து, கராச்சி, பாகிஸ்தான்
பிப்ரவரி 20, பங்களாதேஷ் v இந்தியா, துபாய்
பிப்ரவரி 21, ஆப்கானிஸ்தான் v தென் ஆப்பிரிக்கா, கராச்சி, பாகிஸ்தான்
பிப்ரவரி 22, ஆஸ்திரேலியா v இங்கிலாந்து, லாகூர், பாகிஸ்தான்
பிப்ரவரி 23, பாகிஸ்தான் v இந்தியா, துபாய்
பிப்ரவரி 24, பங்களாதேஷ் v நியூசிலாந்து, ராவல்பிண்டி, பாகிஸ்தான்
பிப்ரவரி 25, ஆஸ்திரேலியா v தென் ஆப்பிரிக்கா, ராவல்பிண்டி, பாகிஸ்தான்
பிப்ரவரி 26, ஆப்கானிஸ்தான் v இங்கிலாந்து, லாகூர், பாகிஸ்தான்
பிப்ரவரி 27, பாகிஸ்தான் v பங்களாதேஷ், ராவல்பிண்டி, பாகிஸ்தான்
பிப்ரவரி 28, ஆப்கானிஸ்தான் v ஆஸ்திரேலியா, லாகூர், பாகிஸ்தான்
மார்ச் 1, தென்னாப்பிரிக்கா v இங்கிலாந்து, கராச்சி, பாகிஸ்தான்
மார்ச் 2, நியூசிலாந்து v இந்தியா, துபாய்
மார்ச் 4, அரையிறுதி 1, துபாய்
மார்ச் 5, அரையிறுதி 2, லாகூர், பாகிஸ்தான்
மார்ச் 9, இறுதிப் போட்டி, லாகூர் (இந்தியா தகுதி பெற்றால் துபாயில் நடத்தப்படும்)
மார்ச் 10, ரிசர்வ் நாள்