Reliance Jio Prepaid Plan: இன்றைய டிஜிட்டல் உலகில், மொபைல் போன் பயன்படுத்துபவர்களின் முக்கிய தேவைகளில் ஒன்று டேட்டா. இணைய வசதி என்னும் டேட்டா இல்லை என்றால், நமது வேலைகள் பல தடை படலாம். பெட்டிகடை ஷாப்பிங் முதல் மிக பெரிய அளவிலான பரிவர்த்தனை வரை, கல்வி முதல் அலுவலக பணி வரை நமது பணிகள் அனைத்தும் இணையத்தை சார்ந்து உள்ளன.
வாடிக்கையாளர்கள் தேவையை கருத்தில் கொண்டு, தொலைத் தொடர்பு நிறுவனங்களும், தினசரி டேட்டா வரம்பு அதிகம் உள்ள பிளான்களை அதிக அளவில் அறிமுகப்படுத்தி வருகின்றன. அந்த வகையில், ரிலையன்ஸ் ஜியோ, தினமும் 2 ஜிபி டேட்டாவை வழங்கும் திட்டத்தை வழங்குகிறது. குறைந்த கட்டணத்தில் ஒரு நாளைக்கு 2 ஜிபி டேட்டாவுடன் பல நன்மைகளை வழங்கும் ஜியோவின் திட்டத்தைப் பற்றி அறிந்து கொள்ளலாம்.
ரிலையனஸ் ஜியோவின் (Reliance Jio) சிறந்த திட்டங்களில் ஒன்றாக இருக்கும், இந்தத் திட்டம் பற்றி பலருக்குத் தெரியாமல் உள்ளது. வரம்பற்ற அழைப்பு வசதியுடன் எஸ்எம்எஸ் வசதியும் உள்ளது. ஜியோவின் இந்தத் திட்டம் பற்றி பலருக்குத் தெரியாமல் உள்ளது.
ஜியோவின் அற்புதமான திட்டம்
சில காலத்திற்கு முன்பு நிறுவனம் தனது போர்ட்ஃபோலியோவை புதுப்பித்து, ரீசார்ஜ் பிளான்களுக்கான கட்டணங்களை உயர்த்தியது. பல பயனர்கள் இந்த கட்டண உயர்வால் அதிருப்தி அடைந்தனர். இருப்பினும், ஜியோ நிறுவனம் அதன் பயனர்களுக்கு பல்வேறு கட்டண வரம்புகளில் பல ரீசார்ஜ் திட்டங்களை வழங்குகிறது, அவை பல்வேறு நன்மைகளுடன் வருகின்றன. இந்த திட்டங்களில் ஒன்றின் கட்டணம் ரூ.223 ஆகும். இந்த திட்டம் ஜியோ பயனர்களுக்கு குறைந்த விலையில் தினமும் 2 ஜிபி டேட்டாவை வழங்குகிறது.
ஜியோவின் ரூ.223 திட்டத்தில் கிடைக்கும் நன்மைகள்
ஜியோவின் ரூ.223 திட்டம் 28 நாட்கள் வேலிடிட்டியுடன் வருகிறது. இதில் பயனர்கள் வரம்பற்ற அழைப்பு வசதியைப் பெறுகிறார்கள். அதாவது நாட்டில் உள்ள எந்த நெட்வொர்க்கிலும் எத்தனை அழைப்புகளை வேண்டுமானாலும் மேற்கொள்ளலாம். மேலும், திட்டத்தில், பயனர்கள் தினமும் 100 குறுஞ்செய்திகளை அனுப்பும் வசதியையும் பெறுகிறார்கள். மேலும், இந்த திட்டத்தின் கீழ், பயனர்கள் ஜியோ டிவி, ஜியோ சினிமா மற்றும் ஜியோ கிளவுட் ஆகியவற்றின் இலவச சந்தாவைப் பெறுகிறார்கள்.
ஜியோவின் ரூ.223 திட்டத்தை நீங்கள் ரீசார்ஜ் செய்ய விரும்பினால், ஜியோவின் அதிகாரப்பூர்வ இணையதளம், My Jio ஆப் மற்றும் Google Pay, PhonePe போன்ற ஆன்லைன் பேமெண்ட் ஆப்ஸிலிருந்து ரீசார்ஜ் செய்யலாம்.