துபாய்,
இந்தியா – ஆஸ்திரேலியா இடையிலான 5 போட்டிகள் கொண்ட பார்டர் – கவாஸ்கர் கோப்பை தொடரின் கடைசி டெஸ்ட் சிட்னியில் நடைபெற்றது. இந்த போட்டியில் இந்திய அணியை 6 விக்கெட்டுகள் வித்தியாசத்தில் வீழ்த்தி ஆஸ்திரேலியா வெற்றி பெற்றது. இந்த வெற்றியின் மூலம் ஆஸ்திரேலியா, பார்டர் – கவாஸ்கர் கோப்பை தொடரை 3-1 என்ற கணக்கில் கைப்பற்றி உள்ளது.
முன்னதாக நடைபெற்ற முதல் போட்டியில் இந்தியாவும், 2-வது டெஸ்டில் ஆஸ்திரேலியாவும் வெற்றி பெற்றன. அதன்பின் நடைபெற்ற 3-வது போட்டி டிரா ஆன நிலையில், 4-வது டெஸ்டில் ஆஸ்திரேலியா வெற்றி பெற்று தொடரில் 2-1 என்ற கணக்கில் முன்னிலையில் இருந்தது குறிப்பிடத்தக்கது.
பார்டர் – கவாஸ்கர் கோப்பை தொடர் நிறைவடைந்த நிலையில், சர்வதேச கிரிக்கெட் கவுன்சில் (ஐ.சி.சி.) உலக டெஸ்ட் சாம்பியன்ஷிப் புள்ளி பட்டியலை வெளியிட்டுள்ளது. இதில் முதல் அணியாக இறுதிப்போட்டிக்கு முன்னேறிய நிலையில் தென் ஆப்பிரிக்கா நம்பர் 1 இடத்தில் உள்ளது.
இந்தியாவுக்கு எதிரான கடைசி போட்டியில் வெற்றி பெற்ற ஆஸ்திரேலியா கூடுதல் புள்ளிகள் பெற்ற நிலையில் 2-வது அணியாக இறுதிப்போட்டிக்கு முன்னேறியுள்ளது. தோல்வியடைந்த இந்தியா சில புள்ளிகளை இழந்த நிலையில் 3-வது இடத்தில் தொடருகிறது. இந்திய அணியின் இறுதிப்போட்டி கனவு முடிவுக்கு வந்துள்ளது. மற்ற அணிகள் மாற்றமின்றி தொடருகின்றன.
டெஸ்ட் சாம்பியன்ஷிப் புள்ளி பட்டியல் பின்வருமாறு:-
1. தென் ஆப்பிரிக்கா – 66. 67 சதவீதம்
2. ஆஸ்திரேலியா – 63.73 சதவீதம்
3. இந்தியா – 50.00 சதவீதம்
4. நியூசிலாந்து – 48.21 சதவீதம்
5. இலங்கை – 45.45 சதவீதம்
6. இங்கிலாந்து – 43.18 சதவீதம்
7. வங்காளதேசம் – 31.25 சதவீதம்
8. பாகிஸ்தான் – 30.30 சதவீதம்
9. வெஸ்ட் இண்டீஸ் – 24.24 சதவீதம்