ஐதராபாத்,
வனவிலங்குகள் மற்றும் சுற்றுச்சூழலுக்கு கணிசமான ஆபத்தை விளைவிக்கும் தூள் கண்ணாடி அல்லது உலோகம் போன்ற பொருட்களால் பூசப்பட்ட, தடைசெய்யப்பட்ட சீன மாஞ்சா,ஆகியவற்றின் சட்டவிரோதமாக விற்பனை செய்த 148 பேரை ஐதராபாத் போலீசார் கைது செய்துள்ளனர். அக்டோபர் 2024 முதல் நகரின் பல்வேறு காவல் நிலையங்களில் 107 வழக்குகள் பதிவு செய்யப்பட்டுள்ளன.
இந்தச் சோதனையின் போது சுமார் 90 லட்சம் ரூபாய் மதிப்புள்ள 7,334 சீன மாஞ்சா பாபின்கள் பறிமுதல் செய்யப்பட்டுள்ளதாக காவல்துறை துணை ஆணையர், ஆணையர் அதிரடிப் படை, ஒய்விஎஸ் சுதீந்திரா தெரிவித்தார். பல பிராந்தியங்களில் தடைகள் இருந்தபோதிலும், காத்தாடி திருவிழாக்கள் மற்றும் பிற நிகழ்வுகளின் போது சீன மாஞ்சா கிடைப்பது மற்றும் பயன்படுத்துவது தொடர்ந்து தீவிர கவலைகளை எழுப்புவதாக கூறியுள்ளார்.
இது குறித்து அவர் கூறுகையில்;-
சீன மாஞ்சாவை காத்தாடிக்கு பயன்படுத்தியதால் ஒருவர் உயிரிழந்த சம்பவங்கள் இதற்கு முன்பும் நடந்துள்ளன. இது மனித பாதுகாப்புக்கு அச்சுறுத்தலாக உள்ளது, பறவைகள் மற்றும் விலங்குகளுக்கு ஆபத்து மற்றும் சுற்றுச்சூழல் பாதிப்பையும் ஏற்படுத்துகிறது. கடந்த ஆண்டு ஹைதராபாத்தில் ராணுவ வீரர் ஒருவர் சீன மஞ்சாவால் கழுத்தை அறுத்து கொல்லப்பட்டார். லாங்கர் ஹவுஸில் உள்ள இந்திரா ரெட்டி மேம்பாலத்தில் ஸ்கூட்டியில் சென்றபோது சீன மஞ்சா கழுத்தை அறுத்ததில் ககிதலா கோடேஸ்வர ரெட்டி (30) என்ற நபர் உயிரிழந்தார். சங்கராந்தி பண்டிகையின் போது காத்தாடி பறக்க சீன மாஞ்சா பயன்படுத்த தடை விதிக்கப்பட்டதை அமல்படுத்த வனத்துறை பல்வேறு நடவடிக்கைகளை எடுத்துள்ளதாகவும், பறவைகளை மற்றும் மக்களின் பாதுகாப்பிற்காகவும் சீன மாஞ்சாவுக்கு முழு தடை விதித்து தெலுங்கானா அரசு 2016ல் உத்தரவு பிறப்பித்துள்ளது.
இதன் விளைவாக சுற்றுச்சூழல், வனம், அறிவியல் மற்றும் தொழில்நுட்பத் துறை மாஞ்சா கொள்முதல், இருப்பு, விற்பனை மற்றும் பயன்படுத்த தடை விதித்துள்ளது. கடந்த கால சம்பவங்களை வைத்து, ஹைதராபாத் போலீஸ் கமிஷனர் சி.வி.ஆனந்த் அனைத்து அதிரடிப்படை குழுக்கள் மற்றும் சட்டம் ஒழுங்கு அதிகாரிகளை முன்கூட்டியே எச்சரித்திருந்தார். டிசிபி சுதீந்திரா மற்றும் கூடுதல் டிசிபி ஆண்டே ஸ்ரீனிவாச ராவ் தலைமையிலான ஏழு அதிரடிப்படை குழுக்கள், பல காவல் நிலையங்களின் எஸ்எச்ஓக்களுடன் இணைந்து பல சோதனைகளை நடத்தி 107 வழக்குகளை பதிவு செய்து 148 குற்றவாளிகளை கைது செய்தனர். “இதன் விளைவாக, சீன மாஞ்சா கிடைப்பது கணிசமாக குறைந்துள்ளது. இதுவரை மனித மற்றும் விலங்குகளின் உயிர்களை அச்சுறுத்தும் எந்த ஒரு தீங்கும் சம்பவங்கள் கடந்த காலங்களில் நடந்ததாக பதிவாகவில்லை,” என்று டிஜிபி கூறியுள்ளார். இதனால் உள்ளூர் வியாபாரிகள் மகிழ்ச்சியில் உள்ளனர். சீன மாஞ்சா கிடைக்காததால் நூல் மாஞ்சா விற்பனை அதிகரித்துள்ளது குறிப்பிடத்தக்கது.